羽夜（完）: 34

「羽希！」我身處政府總部外的空地，遠方有名男子跑向我。

「哥？哥？」是我哥，我又驚又喜擁著他。

「羽希你聽住！我唔係自殺死既！你要搵個真相出黎！」他一手踏我肩，一手把一隻usb遞給我。

「哥！係邊個殺死你㗎？」我追問。

「單案。官商鄉黑……」……





「哥！」我猛地紥醒了，原來剛才看著新聞睡著了，新聞還在播:「……朱議員認為係官商鄉黑，促請警方…………」我手上還持著哥死時身上的外物，那隻usb。肯定是我剛才太累，又一次發同一個夢，現在亦半夜1時多了。這個朱議員，得罪了新界仔結果被追斬，「以樂」亦有份參與。干爹說過，勿踩入政治風暴。不過我們也很清楚，什麼官、商、鄉、黑等，關係並非一刀能切。

且說我曾開過這usb，但內裡什麼也沒有。他有告訴我正調查一宗案件所以我知他做卧底，結果三個星期後他便……是否跟那案件有關？那，到底是什麼案件？官商鄉黑……是有關還是無關的？我想起宋靖琳有個IT高手的成員，我猜我可以跟他做交易。

「呢隻usb d野係比人同一時間del走晒既。」

「有冇信心復原，睇到佢之前有咩資料？」宋靖琳說。

「其他人唔會得，我就得~」





他加了不知什麼裝置，不知碰了什麼，忽然一大堆視窗魚貫浮面。難怪宋靖琳是個國際犯罪高手，連沒有任何文件夾的usb也能弄好，我本打算試試而已。

「宋先生，呢d coding...似係圖則，亦有一些會計文件……仲有d户口既處理。」

宋靖琳仿佛在滿意地笑了，似乎，她知道的事太多，連我也猜不透。

「我可以同你做交易，但我想你幫我搵邊個殺死我阿哥。」我說。

「仲係唔夠證據。」她說。





「你……」我想了想:「連我拎隻usb比你，都喺你計算之內？」我開始洞悉，她原來是想借用我，但對付誰？又憑什麼覺得我一定會肯？

「我講過，我地有共同敵人。想知你阿哥點死，除非你可以喺送槍比你果個人身上拎到證據啦。」直覺說她什麼也很心水清。

「楊領豪？……」我驚呆了:「點解？我…我唔明喎……」

「同你阿哥生前處理既案件有關。唔止佢，仲有兩個人。佢地三個勾結，屯地、販毒、洗黑錢，更加出手殺人。你阿哥係其中一個。」

「你喺ICAC有針……」我毅然盟生的結論。

「其實你仲可以揀唔幫你阿哥報仇，唔得失d金主架~」

「睇黎由你接近我開始，注定我盤棋係由你指揮……」我實在知得太晚了，她根本做足功課。之前她要對付日本貪官，便出手操控山口組把貪官打下馬。如今是真正的官商鄉黑，就利用我。但我不會因為這三個人而令我哥死得不明不白。我是黑社會，横屍街頭是早晚的事，但哥只有一個，我沒有選擇。

「楊領豪、許振行、劉榮發，佢地就係殺你阿哥既主謀。」上官龍一把三個厚厚的文件夾放到我面前。許振行，現任政務司司長，坐擁不少政商名人朋友；劉榮發，鄉議局成員，在圍村尚有權勢，在元朗有丁權亦有地。他們並不易對付。





「甘杜宇浚同杜國炎呢？」

「佢地以為你阿哥係黑社會，同呢三個人無關，不過好明顯係比楊領豪擺左上枱。」上官龍一繼續。

我翻開了文件，不禁概歎被宋靖琳引進了風眼，走不掉。

「其實你甘叫合作，定借我對手啊？」我冷笑一下。

「你覺得呢？」她笑了笑。

「你有十足把握？」我問。

「邢羽辰係個大好人，you are not alone~」她這句背後，分分鐘要我完事後轉黑為白。我必須想計策，假如我還未死，如何面對他們的餘黨，會否得失金主影響生計……