放學之後，又要去做part time特工: 5. 意外

------------------------------------------------------------------
我矇矇鬆鬆地張開雙眼，白色強光直接刺進眼睛，接着是一陣攻鼻的消毒藥水味。

「醫院」 我的腦袋告訴我。

我嘗試伸手擋眼睛，發現我的左手被繃帶包紮着。

「醒嗱，你等等我叫醫生尼。」
我聽到一把熟悉的聲音。





我咪着眼睛，看到一個肥胖的女人從病房中走了出去。

那是我的表姨—寶姨。

我父母因為工作關係長期不在香港，一直也只有寶姨在陪着我。

「喂，終於醒左，冇事呀嘛？」一個口罩男進來病房跟我說。

是浩仔。





「無返一日工姐，做咩搞成咁呀？又會好地地無啦啦火燭嘅？」

火燭？！直頭好似打仗咁喎！
當時一段段可怕片段頓時湧起

「真係執返條命.....邊有火燭咁簡單呀，直頭.....」

「睇下，你上電視呀。」
浩仔指着病房的電視機，打斷我的說話。





「歡迎收睇晚間新聞報道...」

原來已經係夜晚，都唔知係醫院訓左幾耐。

「今日下午，葵芳一間食肆發生二級火警，期間發生爆炸，消防到場後10分鐘將火救熄，多名傷者吸入濃煙過多送院，經初步調查火警是因煮食爐過熱引致，並觸發附近易燃物品爆炸，消防話火警冇可疑....」

我望住自己個7樣訓在擔架床被人枱上救護車，心裏無數問號出現。新聞報導疑點重重。

首先，我醒來的時候是在廚房，如果煮食爐過熱引起火警，我一定會察覺得到。

第二，我確實聽到有槍聲，新聞卻說火警沒有可疑。

第三，新聞說沒有人死亡，但那男人....難道沒有死？！

這時，寶姨和一位醫生進了來。





醫生說我因吸入濃煙過多昏迷。

「一陣會有警察同你落口供，你照直講見到啲咩就得。」醫生補充。

我知道事情不像表面看這麼簡單，所以決定說真話，將個波交返比警察。

「嘟嘟嘟嘟 嘟嘟嘟嘟」

「文仔，你電話響呀。」寶姨以為我聽唔到，但根本不是我的電話鈴聲喔。

咪住

e個鈴聲





會唔會係個男人部電話.......