《時辰未到》
謎底:
小華好細個個阿媽就死左 阿爸長期響外面工作
屋企發生咩事都唔知 仲懶係為左個囡咁娶左條八婆返屋企
諗住有人可以照顧小華 八婆成為左小華既後母
呢條八婆唔單止冇好好照顧小華
仲日日要佢做晒屋企D家務 刻簿佢 甚至蝦佢 虐待佢
呢條八婆自己都生左兩個囡 一個叫小美和一個叫小麗
小美同小麗根本上都係變態既 由細到大都係以虐待小華為樂
佢地既生活日日如常 直到佢既出現 佢係一個女巫


出場既時候肥嘟嘟成個朱咪咪咁樣
佢有一晚無啦啦出現左響小華面前
仲話因為小華心地好 會俾一個願望小華
問小華想要咩 點知小華話想報仇 女巫縐左一下眉頭
女巫同佢講話報仇可能要好多法力
反問返小華 如果變成女巫有冇問題?
小華開心都黎唔切 LUR飯應左
之後仲真係成功變成有法力既女巫
不過女巫提佢 千祈唔好用黎直接害人
唔係後果會好嚴重 小華報仇心切


根本就連再問女巫詳情既心都冇
小華佢自己假設左間接害人就冇後果
於是乎女巫走左 而小華就開始實行佢既大計
小華知道八婆三母女將會去皇宮出席皇子既選妃大會
所以利用呢次大會 響當晚12點著住玻璃鞋華麗登場
仲用法力迷惑皇子 同皇子跳左隻舞
但係佢根本唔鍾意皇子 佢做所有野都係為左報仇
所以當晚完左之後 佢就編排第二日玩樣叫做試鞋選妃既白痴野
而事實上 所有野都同皇室果邊冇關
小華將D蛇蟲鼠蟻變成左皇室士衛


帶住一隻玻璃鞋去周圍俾人試
最後當然係根據小華安排 到左八婆三母女佢地試
小美先試 因為唔岩 但係又好想成為皇妃 所以夾實塞隻腳入去
小麗覺得咁樣唔得 自己隻腳應該都塞唔入去 就直接切左自己D腳趾
點知都塞唔入 就直接切左自己腳掌
不過假既皇室士衛話咁樣唔得 於是乎小麗就變成傷殘
八婆見狀唔妥 就同小美夾手夾腳夾硬塞小美隻腳塞到變畸形都塞入去
結果小美隻腳係塞到入去 可惜變成畸形 假既士衛照舊話咁樣唔得
更變態既係 原來隻玻璃鞋係根據本來就有一雙細腳既八婆設計既
假士衛叫八婆試下 點知岩左 仲同佢講話佢將會成為皇妃
八婆知道自己成為皇妃就連兩個殘廢左既囡都遺棄埋
自己單獨跟左假士衛去皇宮 但係一到站 假士衛就消失左
八婆以為自己真係皇妃 結果俾真士衛當佢黐線 攪攪下仲變左真係黐線
而故事最後…
朱咪咪再次出現 話小華心腸太過惡毒 已經抵消晒佢以前既好心地


所以將佢所有法力收返 咁岩小華旁邊有灘水
佢照到自己個樣變成左一個好醜樣既女人就問:
「點解你拎走埋我個樣呀?」
「我冇拎走到,相有心生,你個樣點解變成咁,你要問下你自己。」

《時辰未到》意思係
善有善報 惡有惡報 若然未報 時辰未到

(完)