《家中怪事》

迷底︰

阿強家中怪事之所以發生,其實係因為包租婆…

包租婆變態既,唔係發神經果種,係好怕人整爛佢間屋果種…

所以佢每日都要偷偷地去阿強租左既單位查一次。



不過…

響阿強角度就唔同晒,並唔係一單咁簡單既野…

阿強係一個人住既,當佢發現屋企D野俾人郁過之後…

佢覺到好奇怪,一日又係咁,兩日又係咁,所以決定出街買CCTV裝…

CCTV裝好之後,試左幾日,但係佢發覺問題冇解決…



屋企裡面既野都係俾人郁過…

所以佢去睇返CCTV片段,但係CCTV完全錄唔到有人入過屋企…

甚至好似俾人郁過個鏡頭…

所以佢決定唔用CCTV,直接響屋企度搵…

因為佢懷疑有人入左佢屋企,仲響CCTV既死角位用方法郁過CCTV錄影…



點知都係搵唔到呢個人,佢於是乎就叫埋朋友幫手搵…

因為阿強屋企係回字型既,一個人搵會有死位…

所以阿強搵左朋友幫手搵,可惜問題依然冇解決…

最後佢仲估係可能係有人匿左響佢屋企暗格,所以…

佢搬走晒D大型傢私,試下同朋友去敲牆睇下有冇暗格…

好可惜都係搵唔到,冇辦法底下,阿強唯有索性唔理…

「怪事」依然不斷發生,不過竟然冇影響到阿強生活…

所以佢直頭當左係有鬼就算,佢繼續正常咁住落去。



而包租婆其實係響…

樓上住,佢利用天花板既坑紋,製造左一道無縫既門…

每日就係咁,入左阿強屋企睇。

(完)