《陰陽眼遊戲》

謎面:

今日有個朋友約左我去一個由電視台舉辦既遊戲節目度做現場觀眾,我朋友未到,不過佢一早俾左張飛我,佢又黎唔切,唯有我一個人自己入左去坐低先啦。

節目好快就開始左,主持︰「大家好,歡迎黎到今晚《攪鬼點收科》,今晚我地好榮幸請到通靈大師朱九戰黎到現場,大師會係今晚既遊戲節目中負責請鬼到現場同大家一齊玩,同埋會做評判,另外,台下亦有兩位大師做評判既。事不宜遲,而家係請我地兩位自稱有陰陽眼既參賽者入場。」

(掌聲)



主持︰「兩位請先背住自己方既現場觀眾坐低面向對方,一陣遊戲開始,大師會請鬼魂到現場預設既空位度。」

(哇)

主持︰「相方需要將大師請上黎既鬼魂形容出黎俾觀眾聽,形容得越似越好越得人驚,就係今晚既贏家,我地冇陰陽眼,當然睇唔到鬼啦,不過三位評判會作出判決,仲有,之前聽師父講,佢話會令大家稍後會睇到呢兩位參賽者所睇到既野,而家有請大師請鬼到現場。」

大師︰「你咁多野講,我頭先係你講緊野,已經請左佢地上黎幫手喇。」
參賽者A︰「見到喇!應該係佢,佢唔係人樣,爛面,長髮,凸眼…」
參賽者B︰「我見到隻,青面,長舌,禿頭…」
(哇)


大師點點頭,似係覺得佢地都講得岩咁。

觀眾X︰「佢望住我隔離個空位講架。」
觀眾Y︰「唔係講緊我側邊個空位雅?」

死喇,我側邊都有個空位播,不過我朋友買左飛架啦,應該唔會係預設空位呱?

參賽者A︰「仲有,仲有,隔離又有一隻,眼口鼻D位置都亂放係塊面度既…」
參賽者B︰「我呢邊都隻,紅面,大口,彊屍牙露晒出黎…」
大師冇點頭,但之後行出黎叫暫停,做左個手印之類既野之後講


「我而家請左隻「朋友」係台中間,你地兩個形容一下佢丫。」

參賽者A︰「塊面熔緊。」
參賽者B︰「咩呀?皮光肉滑播。」
參賽者A︰「成身都係青色。」
參賽者B︰「亂講!同人一模一樣架,仲幾靚添播。」…

賽後,大師︰「兩位參賽者都真係有陰陽眼,睇到既都係岩,但係兩位參賽者都好唔誠實,為求勝利,不擇手段,唔值得鼓勵,因為我只係請左三位「朋友」上黎,但係佢地形容左五位出黎,而現場係有四個「朋友」係度。」

現場所有人都一頭霧水,大師之後羅左部聲稱係靈界錄影機出黎,係大屏幕播返出黎,睇到觀眾們都啞口無言,反而我唔係好驚,不過睇到一幕,我…

打左個冷震。

(完)