《小華的一生(奇幻故)》

謎底︰

今年係2034年,我係鄭祖琳,SALLY,連續攞咗十年香港最受歡迎女歌手,如日中天,紅館連開四十場個唱全場爆滿,紅遍整個亞洲,有亞洲女神之稱,樣靚身材好,係男人見到我都神魂顛倒,不過我三十二歲個年,決定同我拍左拖十幾年既圈外男朋友結婚生仔,因為先天優勢,婚後一樣咁紅,好歌不絕,我估我最少紅多十年。

近來內地出現我既山寨版,我有上網睇過佢既演出,真係好似,不過佢用左我個名開個唱賺錢,我公司當然唔會放過佢啦。

之後聽講佢仲變本加厲,改左名鄭祖琳,再整左少少容,整到同我一模一樣,唔知點解佢越黎越紅,紅到有自己既新歌,甚至連我撈唔掂既電影,佢都拍埋,仲要比我紅,佢越黎越紅越黎越紅,我公司同我解左約,簽左佢,再冇人記得我先係攞咗十年香港最受歡迎女歌手既鄭祖琳,而家D人淨係識得佢。



我決定放棄事業,專心揍仔,但係尋日返到屋企,竟然見到佢同我老公訓埋一齊,我個仔竟然走埋佢度叫佢媽媽,我被佢趕走左返唔到入屋企。

我已心灰意冷,走去搵我阿爸阿媽,佢竟然連我父母都搶走埋。

我再冇得選擇,我去到公廁,照一照鏡,我已經唔記得我係咪佢既山寨版,我決定…

絕筆。

當俾一個廢過自己既人搶走野 你會怨



當俾一個叻過自己既人搶走野 你會恨

但當有一個根本同你一樣既人搶走野 你會冇晒存在感

當你最熟悉既人都忘記你 你會懷疑自己仲需唔需係呢個世上

最後好可能會同主角一樣 走上不歸路

(完)