《靚仔左好多》
謎面︰
阿明本來樣衰就唔在講 仲好污WHER
無論旁人用咩角度睇佢都唔會有可能同「靚」字扯上關係
滿面暗瘡既佢攪到個人好冇自信

不過阿明中學畢業之後 去左讀形象設計
慢慢落黎 佢外表改變左好多 開始同個「靚」字扯得上關係
冇晒暗瘡 連印都冇埋既佢 開始顯得好有自信



以下係佢近排同班舊朋友聚會既對話

「咦!阿明,你靚仔過以前咁多既?」
「係呀!我中學畢業之後,晉身左美容業丫嘛!」
「哈哈哈!你美容呀?」
「係呀!其實要樣靚唔一定要整容既,識得化妝就得!」
「化妝!?好肉酸啫!」
「乜你咁老餅架!咩年代呀?扮靚為咩啫?溝女喳嘛!」
「哈哈哈!正確黎講係等女上門添!」
「冇錯!話時話,我靚仔晒之後,真係好多女望我架!」


「望你!?OK!有冇食過先?」
「暫時冇!不過真係好多靚女望我!」
「咁你就要講黎聽下喇。」
「上小巴上巴士都成日有啦!呢!你地睇下果邊!而家咪有條靚女望緊我囉!」
舊朋友望左一望阿明指既方向,之後…
「哈哈哈!OK!」
呢一晚佢地仲傾左好多開心野。

完左聚會之後,阿明依舊滿滿自信咁返屋企
不過就響途中,唔小心撞到個一個執垃圾既婆婆



「哇!夜媽媽你嚇死人咩!化咁濃妝!」
「唔好意思呀,婆婆!或者…哈哈,光線問題啫!」
「你唔好蝦阿婆眼又聾耳又蒙…」
老太婆喃喃自語就推住垃圾車走左。

之後,阿明一個人返左屋企,照鏡,化妝,而且仲接到一個電話…

「阿明,你知道我有陰陽眼架啦!做朋友既只提你一次!唔好再…」

(嘟嘟嘟…) 電話突然斷線。

無幾耐之後,再冇朋友打俾阿明了。

(完)