浮事的，第二個的士佬既故事。: 登船

六時許，風已到達咖啡店。

他對HAPPY說:「條友真係勁好笑，你估佢今晚會唔會黎丫拿？」

「我反而想知佢黎到你仲笑唔笑得出」HAPPY回應道。

奇奇怪怪的氣氛，二人相視靜默了數秒。

「拿，我地係咪好兄弟先？」HAPPY突然開口問。





「當然。」風回應

「咁係咪我對你做左D咩你都會原諒我先?」HAPPY問

「除左做教生員果時，你偷左我條底褲去著我嬲左你一個月之外，我幾時有唔原諒過你。」風說

「嗯.......你仲記唔記得呢，小恩走果一晚，我無份去打WAR GAME?」HAPPY說

「無啦啦提返黎做咩？果晚你話要陪你老母食飯丫嘛。」風把玩著攪拌咖啡的棍子說





「其實果晚我去左車走小恩。」HAPPY說

「....................」

「我勸左佢好耐，但佢都係要走。咁做姐妹既，點都要幫既.....」HAPPY說

「.................」

「佢之後去左我之前係旺角買落果個爛鬼單位度住，我地一直都有聯絡。」HAPPY說





「...............點解佢要走?」風終於平息到心中的混亂，開口問道。

「佢有病。佢走之前果兩個月，佢驗到有早期CANCER。佢媽咪之前都係死於CANCER。」HAPPY回應

「..........點解佢唔話我知.....」風雙眼有點紅，但情勢還算平伏。

「唉.....你知個傻妹睇幾多垃圾韓劇架啦，屌。」平常不說粗口的HAPPY也不禁罵了一聲。

「咁做咩無啦啦要話我知？」風問：「佢.....死左?」風再也忍不住眼眶中的淚水，一滴一滴地流到咖啡杯中，弄淡了他那杯「海賊王之夜」咖啡。

「風.....人死不能復生，唔好咁傷心啦。好好地放開小恩，去搵過第二個女仔啦。」HAPPY拍拍風的肩膀說道。

「..............」風終於失控，情緒一瀉而下，伏在咖啡枱上泣不成聲。

「希望你會原諒我呃左你咁耐........」HAPPY暗笑道。