二郎烽火: 始之一…玄光鏡、天皇二郎神河溢

「溢，能趕回來且回來。鍋京現今已無人能勸天子胡，被那榮芮之夫推使，為天賦之物定專利。我姬虎當為承軒轅力之二郎神，必會阻止天子胡一錯再錯，還山林河水於民。縱未能使天子回心轉意，最少阻爪與牙伸向國民也。」

我人在楚軫之地，剛好完成滅妖嘅任令。查看玄光鏡嘅遠端界面時，收到同屬二朗神嘅姬虎嘅訊函。經由那神造物玄光鏡，以仙擷之力於靈光一閃之間傳到遠在楚軫嘅呢邊。

嗯，我都係由開朝至今，傳承咗嗰柄視為護國神兵三尖兩刃槍嘅二郎神之一。神兵據講係厭倦了人界爭鬥嘅仙眾，留低嘅最後仰止力。嗰位留有子嗣於人間嘅二郎神將把神槍一分為三，以天地人之名區分。而我係領有天皇十八眾嘅天皇二郎神何溢。雖說領軍，其實由於天皇眾以滅妖除害為任，所以十八眾係各自駐留喺不同地域，也唔一定需要由我來指揮。可要比姬虎那人皇七子及嬴無懟的地皇百騎都輕鬆多了。老實說，我比起姬和嬴佢哋都要年少得多，他們已界壯年以後嘅三十六與四十二。我嘛，大概只有二十前後，著實多大，我都話唔埋。因為天皇眾都是執返來嘅孤兒。

雖說我係嗰個乜鬼天子用來鎮萬國嘅二郎神，但我可沒有對周天子效忠嘅念頭，反正天皇眾不過係一堆碰巧用到仙術嘅孤兒，再被餵養派去賣命嘅棋子而已，更何況要效忠姬胡呢種貪財戀權嘅白痴。白痴加上只會逢迎周天子嘅榮仁，真係無可匹敵嘅垃圾君臣組合。呢種組合，就是勸唔到、阻唔到。當我正打算回訊叫姬虎別費勁時…

「系統錯誤…查無此人，或唯音訊不可傳。」





玄光鏡界面上出現了莫名訊息。明明只係回傳，而且係一個不可能於仙擷名冊中消去嘅二郎神掛號。我心中只想到兩種情況，兩種都可以話係極危急。



一、姬虎身故。仙力全散，無以為擷。

二、鍋京有異，被莫名之術所罩。外力不能入。

不論何種情況，都壞到極點。因為意味著人皇姬虎不但沒能阻得到天子胡，更可能事態向恐怖方向發展。無論作為天賜仰止力嘅二郎神被殺傷，抑或係越過人智嘅仙術之力亦無法介入嘅力量。都表示著一種仙眾離去後，不可能發生嘅事情，發生了。





我把進來時放低嘅便衣革覆穿上，將呈盾刃狀嘅伏羲槍套在右手肘上，離開置有玄光鏡等仙術機裝嘅書禮部。

「何老師！」聲音來源係一個約十二歲嘅女生。佢叫湯原，係我呢次楚軫之行途中執來嘅。一個身染貓又之詛，卻又生還嘅災禍之子。其實災禍之子呢個名，不過反映百姓對仙力能者嘅恐懼。

「做咩仲喺呢到？我有講過唔會把你帶去天皇眾中吧。」老實，我唔識帶細路，也唔想帶細佬。當年我都不過係碰巧遇上死去嘅天皇眾，並觸發咗他所持嘅仙術器，先來到天皇眾。要帶著一個細路，不但接受任令不便，更重要係，跟喺身為天皇二郎神嘅我身旁，她未成器，恐怕已成灰。

「我唔怕死，唔怕苦，不唔怕受傷。何老師，湯原父母已經唔喺到，湯原帶著呢兩條尾巴，亦無家鄉可以歸去。何老師唔帶著湯原…湯原…湯原我…嗚…」一下子把剛才興奮莫名嘅臉轉成梨花帶雨嘅臉。身後那兩條貓又尾巴掃地一般擺來擺去。的確就這樣放置唔理也只變成百姓的石頭下嘅祭品。或終有一日仙力不繼變成貓又，變成我們天皇眾必需驅逐嘅對象。

「隨便你。不過我唔會把你帶你到天皇眾之中。只會教你運用仙力，直到兩條東西收回去為止。明白未？」湯原收起哭聲不斷猛力點頭。「要是你有日被貓又之詛食咗心智，我會把你的首級取下哦。」





「嗯、嗯。」喂、喂。我係話我會殺你啊。你高興乜鬼…

就咁我帶著湯原趕路返鍋京。因為實在沒法手把手教，我只係把一柄錐神釘交到湯原手上，叫她利用呢柄能把仙力流以可見形式呈現出來嘅小錐，讓她先從引流學起。

反正呢躺一去，可能就是她望著我嘅屍體成為天皇眾。等我，姬虎。