五千天的小確幸: 小確幸餐廳

小確幸餐廳

有日同咪去完狗公園跑步，走時經過太古坊偶然見到張貼紙仔寫"小確幸餐廳"，心頭一震之下就跟住D暗號左穿右插條橫街冷巷，系堆垃圾後面果然有間野叫呢個名，見冇乜人就舂左入去八卦下，咪仲老實不客氣攤上梳化枱面休息添。

得罪講句系條污糟垃蹋既街尾，又系堆舊電器後面，邊有人敢食佢D野，萬一肚屙睇病一定卑醫生寸死蠢。如果唔系見佢成間鋪都系二手傢俬電器，引起本人專業垃圾佬既興趣，我一定早走早著。望下望下終於有人來打招呼，仲已經有兩條小狗系裡面開緊餐添，唉幾大就幾大，燒賣就燒賣，食小小無事既。

我既小確幸系同小朋友們過既小日子，老板既小確幸系舊式小區既人情味：執垃圾留卑有需要既人，備用飯菜，人狗共融，社會公義，天下無敵。。。好彩佢D麵包熱辣辣都幾好食，下次同咪黎食早餐都得。





每一個人需要的生活都唔同，但都一樣喜愛懷念舊日時光。我真想系老板堆寶物裡，突然找出叮噹部時光機，回到某個陽光燦爛的午後。