五千天的小確幸: 第一道陽光
第一道陽光
今日因為坐早機未天光就起身，而重遇好耐無見清早初起既太陽。屋企廚房系最東望海，太陽曬入黎會先一條條綫甘斜斜地伸入黎，再慢慢甘照亮個廳同整暖間屋，豬最愛扒系窗台邊曬太陽望街。每日清晨就系我地既私人時光，天未光我就開始同佢準備早餐跟住食藥梳毛複診，太陽光就趁我地一啖餵一啖食時偷偷入黎，照得佢毛色發亮，睇住豬咀嚼個滋味樣，好似食龍肉甘嘆，咪咪咀對住我笑，我成日都祈求時光可以停留，至少行慢D，多D卑我地相依既時間。果段日子唔系過左好耐，我無嫌過辛苦或者怱忙，反而令我懷念。
今日我都企系廚房十分鐘等第一綫晨光照滿全身。
豬我地出發咯。