五千天的小確幸: 哈囉。樹先生
哈囉。樹先生
唔知系咪每一個小朋友都中意系樹林散步，但呢班細路就一定。唔理果日有幾熱，太陽有幾毒或者橫風橫雨，一攞起條狗繩個個就發哂狂上哂身甘彈下彈下要出街，食緊咩好野都捨得放低。
我地門口有條大直長命斜路，兩旁都有數唔清甘多棵大樹成蔭，佢地最愛同我狂衝頭段之後就慢步樹底，嗅嗅路邊既花花草草，腸胃唔好時會自己搵條草食落肚，肚仔多貨就系樹底清清腸胃，每次都要玩大半個鐘先肯盡興而歸。其中有一棵最大最高既樹，有Ｄ似龍貓果棵甘，最受到每個小朋友既尊敬同崇拜，時時都抬高個頭張眼定定望等打賞。人地話老樹有靈性，穿越時間通天落地，就系呢棵樹底，我曾經系最緊急既時候化左師公留低一道符埋系樹根下面，流住眼淚祈求豬身體健康，結果奇跡甘過多左好一段日子。我情願地相信老樹先生聽到了我既說話，轉達我向上天既禱告，之後我每次經過都會慢慢停低同樹先生打個招呼，多謝佢既默默保護。
又過了一段日子，豬走了，我將小部份骨灰埋系樹先生下面。豬隊友們經過停一停嗅一嗅，說個哈囉，謝謝樹先生。