如果收兵是一種選擇: 第一次

「喂呀，我食唔哂呀，幫手食D啦。」站在我前方，還穿著校服的女生，將手上的夾餅分了一半給身旁的男生。
 
「呀妹，格仔餅。」
 
「唔該哂。」我從老闆手上接過夾餅。
 
夾餅剛造起，看起來香脆可口，而隔著塑膠袋感受到的那種微熱使我剎那間百感交雜。
 
「都係唔食啦，去食車仔面。」我把夾餅塞在呀樂的手中。
 


「幾多年呀？你仲諗住個仆街仔？」呀樂很少說粗話，除了因為有關我的事。沒錯，他口中的仆街仔是袁柏楓。突如其來的思緒令我不知所措，眼淚從目框中掙脫出來，一發不可收拾。
 
「做咩呀你，做咩喊？」袁柏楓遞給我一張紙巾。
 
「你知唔知呀樂……」
 
「我知。」
 
袁柏楓還是一直在吃手上那一半夾餅。我從來沒有這樣仔細留意他的樣子，他雖長得不英俊，又有一點胖，但還挺可愛的。
 


「咁你係咪真係唔鍾意呀樂？」袁柏楓的問題令我感到錯愕。他不是呀樂的好朋友嗎？
 
「唔係呀，真係唔係呀。」看著他傻乎乎的繼續吃夾餅，令我哭笑不得。
 
他輕輕拍拍我的頭，跟我說：「你笑下咪幾靚。」
 
吃過夾餅，他陪伴我回家，再次走到我樓下。
 
「其實你電話number係咩呀，我一直都唔知。」我問。
 


「59635556。」他果真不是「63698185」。
 
「你係咪3台架？」我一邊將他的號碼輸入在聯絡人名單中。
 
「係。」他拿出手機，看到來電號碼，再將我的號碼輸入在聯絡人名單中。
 
「我返去啦，byebye。」我轉身打算進入大門回家。「喂，你住呢邊架咩？」我回頭再問。
 
「唔係呀，我轉車。」袁柏楓說。突然，我想起JESSICA說過，袁柏楓是在新蒲崗獨居的。
 
「特登黎轉車？」我故意詐作不知。「係呀，快D返到去嘛。」
 
說罷，他向我揮手然後轉身就離開。
 
「多謝你。」那一天，我第一次跟他傳短訊。