《台灣個表妹嚟咗我屋企住》【完】: (四十一)如果可以

我同小南繼續喺度一邊食糖水，一邊吹水。

但我竟然將我同阿琪嘅事唔覺意講咗畀佢聽⋯⋯

「咁佢仲有冇搵過你？」小南問。

「冇，一直都冇。」我話。

「唔緊要啦⋯⋯」小南擺出一副好似好明白我咁嘅模樣。



「表妹⋯你有冇拍過拖？」問完之後，連我自己都唔知點解我會咁問。

「咁⋯又⋯冇喎。」小南面紅起嚟，但佢呢個答案實在出人意表。

因為我見表妹一個咁靚嘅女仔，仲以為佢拍過拖⋯算啦，睇嚟愛情依家嘢，佢都唔係幾明㗎喇。

如果見返阿琪，我應該要點呢？

嬲佢？同佢復合？問清楚點解嗰陣佢要離開我？



如果可以，我寧願呢一世都見唔返佢。