《台灣個表妹嚟咗我屋企住》【完】: (一百零八)相機

我無意中又見到櫃入面，有一部好古舊嘅相機⋯⋯

拎起嚟一睇，原來係當年畀阿爸視為寶貝嘅相機⋯⋯

我強忍住眼淚，打開嚟睇下每一張儲存喺相機入面嘅相片⋯⋯

係有顏色嘅媽媽⋯⋯

有笑容嘅爸爸⋯⋯





仲有六年前擁有幸福家庭嘅我⋯⋯

點解我明白呢啲回憶咁痛苦，我又要去接觸佢呀⋯⋯

「點解你會唔喺度嘅⋯⋯」

我終於忍唔住，眼淚好快就失控咁湧晒出嚟。

雙眼變得模糊不清，連媽媽嘅樣子都再睇唔清楚。





我唔想咁樣呀！我想再見多你一面呀！