呢個故事到此完畢,
各位有願再見。

小弟自知文筆差,大家睇完之後,如果對個故有任何意見同感受(例如:屌你老母爛尾!),都好歡迎大家喺度留個言,或者直接inbox屌鳩我。

多謝哂你哋一直以嚟嘅支持,小弟在此致萬二分嘅感激!

***

呼!





終於寫完呢個故仔啦。

小弟文筆差,打字又慢,有時又冇靈感,足足用咗差唔多一年嘅時間先寫完呢十幾萬字。

以第一次寫故嘅講故佬講嚟,好足夠了。

一開始放上紙言都冇諗過有過百人睇⋯⋯

而放上嚟連登又有咁多巴絲打支持⋯⋯





因為有你哋嘅支持我先寫得完呢個故仔,如果冇人睇,我諗我一早就棄咗故,我見原本月更都咁多人睇,唔好意思要你哋等咁耐,於是就真係認認真真咁寫埋呢個故仔,當中可能有好多美中不足之處,辜負咗你嘅期望,在此致歉,不過都好多謝你咁有心機睇哂。

有人問過我,呢個故係咪真㗎?而你見後面啲情節就知唔完全係啦,但係當中都有啲位置我係從現實取材。

例如我真係有個台灣表妹㗎!佢真係叫做小南。

或者係某啲好甜蜜嘅情節,其實就正正係我同某個女仔發生過嘅事情⋯⋯

而其實我寫呢個故事嘅原因,亦都係因為我時不時都會有好多煩惱纏繞住我,如同故事中嘅朋友、情人、家人衍生出嚟嘅問題,有啲又係從真實生活取材。而我覺得自己寫低呢啲感受,可以抒發下情緒,於是就從一個日記嘅形式去寫(可能你哋唔係咁覺),記低下我每日想抒發嘅情感。





咁點解會以表妹做主角呢?因爲我嗰日睇返同佢張合照,諗返起同佢以前玩過嘅回憶⋯⋯

心血來潮,就想寫低個咁嘅故事,送畀佢。

點都好啦!總言之,想屌鳩我嘅話係無任歡迎,希望往後你哋會記得我嘅筆名—玉子蛋糕,記得我曾經寫過呢個台灣表妹嘅故仔,亦會繼續支持我下一個故事啦!嘻嘻。