大象魚短暫的一生: 1

「睇波啊大象魚！！」話口未完我就比個波打中塊面，成個人訓低咗。
「頂，邊條友射個波埋黎啊，想殺人咩」我細細聲咁講。
「叫咗你小心架啦，又唔聽人講，有無事啊。」咦，呢把聲咁熟既。我即刻拎轉頭望下把聲既主人係邊個。啊，仆街啦！原來係我住我隔離屋個隻床前有隻雞！死伙啦，佢份人好惡架喎，比佢聽到我啱啱講既野仲唔一巴車落我塊面，求神拜佛佢唔好聽到啊！！
「你啱啱講咩啊大象魚？！」
「無啊，我咩都無講啊！！」痴線，呢個時候緊係死口唔認啦。
「你以這細細聲講我就會聽唔到咩？你當我聾架？」唉，仆街啦最後都係比佢聽到。
「對唔住啊，我唔係有心話你架，只不過我無啦啦比個波射中，有啲語無倫次咋，放過我啦。」希望扮死狗佢會原諒我啦。
「對唔住大哂啊，太遲啦！」
就係咁，一如我所料，我成塊面多咗個雞抓印。唉，條女真係霸道，好比佢就斯文啲啦，咁落去實變老姑婆。
好啦，自我介紹先，我叫大象魚，至於點解要叫呢個名？我都唔知啊，可能因為我又似魚又似大象掛，所以啊媽求其改過名就算。




啱啱一巴車落我塊面既人就係床前有隻雞，好似話因為佢個養父有日突然係床前發現咗佢就幫佢改個咁既名啦。佢係我既鄰居黎既，細細個都一齊玩架，不過唔知點解到咗而加佢成個人唔同哂，成日搵我做跑腿，又成日蝦我，所以我發誓，只要我有錢，我會買起佢，叫佢做我工人！！不過邊有可能啊。
「叮噹，叮噹，叮噹叮噹。」yeah,終於放學啦，唔知係咪因為比隻雞打到個人暈暈地，我硬係覺得今日時間過得好快。不過講開又講，我塊面到而加仲係好痛，都係快啲返去訓算。
就係咁，我返到屋企，一野就訓咗落床。
訓訓下教既時候突然發咗個夢，個夢好似係講我會係街到幫個啊婆做某啲野，之後佢送咗張六合彩飛比我。好普通既夢，但係我總係覺得好真實，不過算啦，又唔係好嚴重既事，唔理啦，繼續訓算。