嗰個女仔好熟面口...

「喂，阿白！個邊個女仔好熟口面，我好似係邊度見過咁。」我用對眼示意個女仔個方向
個女仔著住一件鮮黄色嘅T-shirt，特別搶眼，再加上一條短褲，好難唔望多兩眼。好彩佢係到睇緊手機，如果唔係佢見到我望住佢一定以為我係變態…
「又點呀Luke哥，係女仔你都話熟口面架啦…」
阿白佢對眼仍然冇離開個佢部電話，掛住係到轉珠。
「我邊有呀？同人講野就望下人啦！毒少陣啦你！」
我講完就諗出手搞佢部手機,阿白都未反應到嘅時候，我隻手指已經係佢部手機轉左兩下。

［Game Over ]

「仆你個街呀！死左啦！」


阿白即刻黑哂面，一句野都唔再講。
我見到佢咁嬲，梗係拉開話題
「阿白依家幾點呀，又話B出口等，咁耐都未到…」
「個邊有鐘架，10點呀！佢條友仔例遲架啦，冇撘3都唔到啦！」
拉開話題戰術成功！阿白D火都落哂啦！
「喂！阿Luke，阿白…」
冇錯，佢就係例遲嘅阿風，佢依然慢慢行緊埋泥
「喂阿白，你地傾緊咩呀？」
阿白「冇呀，傾緊你做乜又遲姐。」
「撘半先夠鐘,依加先撘2，係你地早到姐…」



我地之後轉左小巴，早左10分鐘到左排練室，我地竟然係第一個到。
我地三個攤左係排練室地下度hea下又傾下計，大概5分鐘後就齊人。
跟住我地嘅導師就講「等我宣布小小野先，今日我地青少年劇場有一位新同學，就係阿思…」
導師講完就示意身後嘅女仔…

下！佢咪啱啱個女仔？