一個人的辦公室: 2.

2. 

"喂, 你又想OT呀? 好心就聽日先做啦!" 一把刺耳既老女人聲響個office到響起.

把聲既主人係一位三十尾四十頭既港女發出的, 而呢位人兄就係我腦細 - Fanny秦.

不過我地響佢背住叫叫死蠢, 遲到早退屈食死貓, 無一不精, 而且做錯唔會認, 典型老patpat. 

"蠢姐, 聽日deadline啦, 唔做既話咪又俾你x" 心諗.

事實上: "Fanny姐, 我手腳慢, 做唔晒驚你交到, 俾老細照呀......"

"咁你都唔好留咁耐啦, 你都知架啦, 呢到唔係好buy同事OT架...." 呢到第2把膠椅出聲啦

第2把膠椅叫冰冰, 人如其名, 好似冰咁勁...........扮cool.
 
冰冰: "你冇聽過呢到d風點吹我地office架咩?!"

"事實上, 我未入職都知呢到有咩野事啦." 心諗





實際上明串佢咁講: "冰冰姐, 我做細既真係唔知咁多, 我只係知做唔晒野, 果下場係點姐....." 

"總之唔好做到咁夜啦, 為你好咋......" 冰冰語重心長咁講左呢句. 

其實呢到發生咩野事, 響學校入面唔會冇人知, 就算年年Ocamp, d學生都會講呢件事俾d新黎既學生聽. 

都係個d, 邊到死個人, 邊到有鬼呀, 講下鬼故咁, 但係有一個鬼故, 

係呢間學校全部學生默許左唔會響學校到講既. 





因為聽聞只要有人響學校講左呢個鬼故, 輕則小傷, 重則死人. 

所以大部分學生都唔會講啦, 就算講都唔會學校入面講. 

當然, 年年都總會有人唔怕死架啦, 聽講舊年有個莊既男仔響學校到搞Ocamp時講左一小段, 

佢講完之後好似成個人鬼上身咁, 情緒好起伏好大, d人覺得佢可能累啦, 叫佢訓陣, 

但第2日佢就俾人發現響toilet到暈左, 仲要嘔白泡果隻暈左. 俾人送左入院.

冇人知點解佢會去左toilet, 因為個日全部人都冇訓過, 而且去toilet得一條路, 有人行過一定知. 

個同學仔入左院之後成3個星期左右先出返黎.

睇到呢到, 大家可能話, "邊到可能呀! 唔好響到吹啦" 





呢件事我都係聽返黎, 所以冇得考證啦.

不過可以同大家講下個鬼故既. 



to be cotinuns ..........