unlimitation(VRMMORPG)(停刊): 我的normal skill 與 unique skill
第二天的清早, 窗外的鳥兒不停地吱吱喳喳,
眼還沒張開的阿望打開窗戶, 把左手伸出窗外,
那隻小鳥一步一步的跳到他的手掌中,
他用右手的食指輕輕地, 溫柔地按了一下小鳥的頭, 牠舒服得不再吱吱喳喳了。
在這個時候, 牠的另一個同伴飛到牠的身邊,
吱吱喳喳, 好像叫牠走一樣,
牠拍拍翅膀, 在空中停留, 看了阿望一會, 牠對阿望叫了一聲「吱~」, 就飛回到同伴的身邊。
他們愈飛愈遠, 阿望看着牠們, 直到離開自己的視線。
阿望輕輕地說:
「係朋友?」
阿望微笑了一下, 就離開房間。
阿朗一回到課室, 就馬上走向阿望面前, 他們討論着昨晚阿望沒有unique skill的問題。
「點解你冇unique skill架?我聽過咁多同學玩unlimitation, 佢地全部都有unique skill。」阿朗充滿疑惑。
「阿望, 你尋日有冇覺得邊度唔妥?」阿朗關心地問。
「冇唔妥, 而且我覺得好自然, 自然到分唔出虛擬世界同現實世界。」阿望讚嘆。
「既然GM話冇問題, 我地應該相信一下人地專業既技術。」比起人類來說, 阿望覺得客觀與事實這些不變的東西更可信。
「unique skill 同 normal skill 既分別係 unique skill 係 玩家獨有, 而 normal skill 就要去搵職業技師去學先有。
除左呢樣, unique skill同 normal skill 基本上係一樣, 係唔係咁?」阿望嘗試分析問題。
「係啊!」阿朗問:「咁同你冇unique skill 有咩關係?」
「咁normal skill 有咩類別?」對 unlimitation 一無所知的阿望問。
阿朗興致勃勃, 交疊雙臂, 說:「就等我呢個專家講解一下啦。
normal skill 有二大類別, 一個係主動技能, 即係攻擊好似我招『爆烈斬』,
又或係暫時性既能力提升, 攻擊提升, 敏捷提升咁。
另一個係被動技能, 簡單D黎講就係特性同永久性既能力提升。」
阿望在心裏釐清狀況,
「如果我有unique skill, 一定唔會係主動技能。如果係主動技能, 一早就好似阿朗咁, 係 menu 到 show 左出黎。咁即係話,
我既 unique skill 好大機會係被動技能。咁...」
阿朗說:「阿望, 阿望, 番黎啦喂。」阿望的推理被阿朗打斷了。
阿望說:「如果我真係冇 unique skill, 連普通玩家都勁過我, 之後好難幫到你打贏終極boss。如果你想贏1億, 我勸你都係同其他勁D既人
組隊好D。」
「你講咩野啊? 就算你冇unique skill, 我都會同你組隊。」阿朗毫不猶豫地說。
「因為除左我細妹, 你係唯一明白我既人。」
阿望臉色蒼白, 顫抖地說:「你唔係GAY啊嘛?」
阿朗堅決地說:「我鍾意女仔! 我係正常架。」
兩人傻傻地笑起來。
終於, 終於都放暑假了。
教授這學年最後一課的老師離開課室後,
同學們情緒高漲,
有的相約課後活動,
有的討論夏天如何度過, 當然有的商議怎樣攻略unlimitation。
提到暑假, 當然離不開暑期工。
雖然阿朗開始玩unlimitation, 但在這個暑假裏, 也繼續兼職賺錢, 絕不放過賺錢的機會。
阿朗問阿望:「你揀好主職未, 我一玩unlimitation就已經諗好左。你第一次玩VRMMORPG, 你自己諗下有咩職業想玩啦。」
跟阿望道別後, 就匆匆忙忙離開課室了。
阿望回家路途上,
思考着:「雖然之前試過出去打樹妖, 玩近戰好有快感。
啱先阿朗心裏面已經一早諗住玩近戰型既『劍士』,
但係兩個人都玩近戰, 好難補位。」
不知不覺又回到空無一人的家。
他們又再相約九點登陸unlimitation, 這個好像成了習慣一樣。
阿望趁時間還早, 決定自己探索一下, 於是就登入unlimitation。
一回來起始之鎮, 就已經看見很多玩家了。
不竟, 這個時候, 學校都陸續開始放暑假了。
阿望逛着逛着, 看到一間宏偉的大會堂, 門口上方掛着「冒險者之聖堂」的牌匾, 字體豪邁奔放。
他走入大堂, 果真看到多不勝數的玩家。
有些在接任務,
有些在組隊,
有些在申請公會,
有些在選職業。
unlimitation的職業跟其他VRMMORPG不一樣,
在unlimitation 裡, 職業是無限制,
玩家可以同時學習不同職業的技能, 玩家可以更自由地學習不同種類的技能。
unlimitation 的技能學習除了花費金錢之外,
不像其他VRMMORPG那麼簡單的按一下選擇就馬上學得技能。
玩家要親自接受職業技師的訓練, 成功完成訓練才可獲得技能。
阿望昨日獨自冒險的時候, 發覺自己在 unlimitation 裏, 動作靈活得像現實世界一樣, 感覺爽快。
而且, 不同的職業的 normal skill 可以共存,
所以現在學的 normal skill 日後也有機會用得到, 不會浪費金錢和時間。
所以, 他決定跟盜賊技師學習技能。
他根據地圖的位置, 在二樓的一間房間找到盜賊技師。
進去沒多久, 他就完成訓練了。
就算是低等的技能, 也不一定一次就通過訓練, 但對於阿望來說, 看一次已經足夠了。
離開大會堂後, 阿望馬上走出起始之鎮的門口, 找樹妖作實戰。
阿望一開始打開menu, 使用「疾走」提升速度,
以豹般的速度衝向樹妖,
一時在左邊, 一時在右邊,
昨日還跟得上他的速度, 用藤鞭攻擊他的樹妖,
現在已經連藤鞭也不伸出來了,
完全根不上他的速度。
樹妖嚇得想轉身拔腿逃跑之際,
阿望已經繞到牠的身後,
樹妖轉身後, 看見阿望, 害怕得胡亂伸出藤鞭,
就像動物遇到頻死的時候, 本能地拼命掙扎一樣, 企圖攻擊阿望。
他又再次打開menu, 使用「暗殺」,
擺好攻擊的姿勢, 提起腳, 向樹妖奔跑,
他好像看見藤鞭的來勢, 巧妙地避開接二連三的藤鞭攻擊,
匕首暗中插入樹幹,
阿望蹲身急停,
但由於速度太快的關係, 身體還向前移動, 鞋與地面磨擦的塵土飛揚於空中,
樹妖慘叫一聲, 叫得比昨天還要痛一樣。
塵土消散後,
地上只剩下剛才殺死樹妖的匕首, 緊緊地插在地上,
而樹妖跟阿望也消失了。
目擊過程的玩家傻了眼, 無法相信自己雙眼所看到的景象。
「超型啊~」,
「特技黎架姐, 嚇我唔到既!」,
「唔係嘛!」
經過上次教訓的阿望, 一早知道又會發生被包圍的情況,
早在塵土消散前離開現場。
不知道是不是花太多氣力的關係, 阿望的肚子咕嚕咕嚕叫,
所以他暫時先登出, 去吃個晚飯。
阿望也習以為常自己一個人吃晚飯。
所以, 冰箱裏經常存放盒飯。
他打開冰箱, 隨便拿出中一盒, 放進微波爐加熱。
吃過晚飯後, 跟阿朗相約的時間也差不多到了。
他回到房間, 登入umlimitation 與 阿朗會合。
他一登入 umlimitation,
起始之鎮已經流傳剛才阿望打鬥的場面,
玩家給阿望改了別名, 叫
「疾風俠」。
阿望聽見其他玩家閒聊這件傳聞,
內容跟他剛才戰鬥的情況非常吻合,
知道所謂的「疾風俠」原來是指他。
阿望迅速地跑向防具屋, 不然又會被玩家包圍。
他心裏想,
「可惡, 最衰城入面唔可以用 skill, 好想用『疾走』加速啊!」
千辛萬苦, 終於走進防具屋。
阿望趕快地跟賣防具的NPC買了黑色的斗篷,
蓋着頭套離開防具屋, 趕快與阿朗會合。
一個披着黑色斗篷的人, 正走向阿朗,
阿朗慌張得抖動身體,
那個人掀開頭套,
阿朗才停止震顫。
阿朗驚慌地說:「嚇死人咩? 做咩披斗篷啊? 差D認唔出係你」阿朗稍為鎮定下來。
阿望說:「我就係唔想比人認出黎。」
「我一 online 就聽得好多人講『疾風俠』, 又係你傑作?」阿朗偷偷地笑着。
「究竟咩事?」阿朗問。
阿望把剛才戰鬥的情景和昨日被圍困的事全部交代清楚。
阿朗回想起在學校的學期初, 阿望在體育課上,
明明是3對3的籃球比賽,
阿望卻自己一個人輕鬆的擺脫對方三個同學的防守, 成功上籃。
迅速的步伐,
華麗的上籃,
精準的投籃,
結果大勝對方10比0。
阿望的表演不但迷倒一票女同學外, 連男同學也讚嘆不已。
阿朗揶揄他:「『疾風俠』依家出晒位啦, 唔識人啦~」
阿望反弄他一把:「咁『疾風俠』話, 之後唔會幫手打怪, 佢話想低調D, 唔想被人認出喎~」
阿朗不知所措, 急忙地說:「我講下笑咋, 『疾風俠』大人有大量, 佢唔會拋棄朋友既。」
阿望一臉認真的樣子, 說:「朋友?」
「緊係啦, 朋友先會將自己既秘密講出黎, 唔係咩?」阿朗反問。
「你學左劍士D skill 未啊?」阿望問。
「仲未啊, 你點知我想做劍士架?」阿朗一臉愕然。
「仲唔去學。」阿望說。
他跟着輕聲地說:「朋友。」
但阿朗聽不見阿望在說什麼。
阿望說完那番話, 不顧阿朗自己先走, 阿朗匆匆地追趕他。
又回到冒險者之聖堂, 大堂仍然很多玩家聚集。阿望沿路一聲不發, 低着頭, 害怕被人認出。
「阿望, 你諗好主職未?」阿朗期待阿望的答案。
「我諗住主要學弓箭手D skill。」阿望經過深思熟慮。
「仲以為你會玩近戰型既職業添。」阿朗好像有點失望。
阿望心裏想,
「的確, 我對盜賊有D興趣, 不過為左party 既 balance, 弓箭手可以快速 cover 阿朗。
同埋, 冇繼續用盜賊既 skill ,
大家都會慢慢唔記得『疾風俠』,
唔洗成日怕比人認出。」
他們各自找自己的職業技師學習技能,
阿望這次也很快地完成訓練,
但阿朗遲遲沒走下來大堂, 所以就發信息給他。
原來, 他連第一個技能還沒學到, 於是阿望去找劍士技師。
他看見阿朗胡亂揮劍, 終於明白為什麼他一個技能也沒學到。
於是, 阿望看了一遍劍士技師的發動技能的每個動作, 再指導阿朗。
歷盡艱辛, 阿朗終於獲得了第一個技能。
阿朗好像領悟到竅門, 接二連三學了不少劍士技能。
「好彩有你咋, 唔係我都唔知幾時先學到第一個技能。多謝你。」阿朗感謝阿望的教導。
「小事黎姐~」阿望鬆容地說。
「我地快D去刷怪啦」阿朗急不及待。
雖然阿望已經轉左做弓箭手,
但是為免又再被阿望絢麗的招式吸引圍觀,
他們故意離開人群, 去一個偏僻的狩獵場。
阿朗主動出擊,
他拿着劍, 揮一揮, 擺好姿勢, 聚精會神, 烈火從劍冒出。
這個時候, 他衝向狼去, 使出「火焰斬」, 劍由狼頭砍下去,
「嘔嗚~~~」,
那隻狼就著火焚燒。
阿朗又向着另一隻狼衝去, 使出「急凍斬」,
被擊中的狼整個身體結冰,
然後阿朗大力的砍下去,
大冰塊整個粉碎, 冰粉反射陽光閃耀着。
阿朗在慶祝之際, 突然有匹狼向着阿朗飛撲去,
阿朗來不及反應。
這個時候, 有一支箭在阿朗身邊極速擦過,
準確地擊中那匹狼。
阿朗轉向阿望, 看見有匹狼跳起來,
正要偷襲阿望,
阿朗來不及告知,
阿望忽然轉身, 拿出匕首,
使出先前學過的「暗殺」,
擊斃那匹狼。
「啱先多得你果一箭, 唔係我又要重新玩過!」阿朗說。
「你點解知道你後面有鬼?」阿朗問。
「因為用『神眼』, 知道你想話我知後面有狼偷襲我。」阿望理所當然地回答。
「你係unlimitation 裏面都用到?」阿朗好奇地問。
阿望想了想, 理應在虛擬世界裏, 他應該不能發動現實世界的「神眼」力量才對。
「應該係啦。」阿望也不太確定。
「可能呢個就係你既 unique skill。」阿朗推測。
「我都唔太清楚」阿望說。
「怪唔得點解 menu 冇 show 出黎啦,
因為呢個係特性黎, 唔係主動技能, 唔洗係 menu 果度撳都用到,
所以menu 冇 show 出黎啦。」阿朗解釋。
結果, 他們狩獵了一整晚, 直到第二天的清晨。
他們也感到疲倦了, 所以他們登出unlimitation, 回到現實世界休息。
阿望解開VR裝置, 他聽到昨天早上的鳥兒吱吱喳喳地叫着,
這次牠的朋友也跟着來,。
阿望走到窗旁,
打開窗戶,
伸出左手,
鳥兒們一起跳到他的掌心,
右手輕撫牠們,
「今次你朋友都黎埋, 真係好~」
他微微地笑着。
************************************************************ 第二章完 ************************************************************