十歲個陣死老豆之後，我開始無朋友: 第一章 遇上特別的他們

「喂！新同事，我叫Fred係呢到嘅manager，陣間全team一齊食lunch，就當係你嘅迎新飯，你一定要到呀。」呢日係我第一日翻新工，作為一個新仔，係俾人蝦之前就梗係會俾人約下食飯，但我梗係唔會去，所以就決定推咗Fred。「sorry呀，我約咗人啦，下次先啦」「唔得㗎，我哋同新同事無論幾忙都好都一定要第一日食迎新飯，你無理由破㗎嘛。最多叫埋你朋友嚟囉。」係呢個情況下，我都唔知點推好就應承咗佢。
「佢哋幾時嚟呀？」我等咗好耐都未等到佢哋嚟，而且lunch hour都就快過。「唔洗急喎，不如我哋傾下計，係呢頭先我好忙，skip咗你個自我介紹，你可唔可以講多次？」其實佢唔係skip咗，係我根本無講過，反正遲早都叫我「喂」。「我叫呀雪。今年23歲。一直都有番啲part time。到上年畢咗業就搵到呢份工。」「咁我再深入啲介紹番自己，我今年28歲，我由16歲就入公司，好多年紀大個我嘅新仔都叫我做湯哥，但我比較中意你叫我做番Fred，親切啲」聽完大家嘅自我介紹，大家都自己玩手機，無再溝通。一嚟大家都唔熟，唔知講啲咩好。二嚟我都唔想同佢咁熟，我唔想害死佢。突然Fred部手機響起「喂，你去到邊呀，我哋一早去到飯堂啦，點解唔見...」Fred咩都無講就cut咗佢線，然後同我講「佢哋去錯地方，依家得番我哋兩個咋。你想食咩？」「肉醬意粉啦，唔該。」「唔係唔該係多謝，我驚你下次真正嘅迎新飯唔嚟，所以今餐就我幫你俾啦，你下次幫我俾番。」我心諗「點解你會知㗎！」全程飯Fred一直係到講野，但我一直埋頭食飯。佢發現我唔係好出聲所以就問「你係米唔舒服，點解你唔講野？」「我唔太中意講野，你講嘅我有聽緊。」講完呢句我同佢都靜落嚟。可能佢係到諗我係唔中意講野定係唔中意同佢講
.
「呀雪，聽日一點鐘要交到俾我。」同我講野嘅係我上司Kenny。佢係一個追求完美、唔會俾佢嘅作品有任何瑕疵、100%工作狂嘅年輕靚仔上司。但我淨係覺得佢好恐怖。我番咗兩個禮拜就已經OT咗五日。但係咁做野翻住好忙嚟去疏遠班同事。但因為我咁認真令到有人中意咗我，一年後就得到佢嘅喜愛......