黃泉記憶: 4

又回到這四合院

我正在納悶到底要怎樣才能夠回到陽間。就算我已經是一個死人也沒關係，至少我可以繼續看看Tracy 和明明⋯

「仔⋯ 有冇提佢地燒啲碎銀比我地？」

「呃⋯都叫有既⋯」
我支支吾吾的回應，想起我跟明明再次見面的時間太短暫⋯ 連多一點互動都還沒有便趕著離去⋯ 所以碎銀一事我早就不存寄望

「咁你老豆呢？ 你有冇探下佢？」





「呃⋯⋯ 冇⋯」

「唏！衰仔！ 你難得頭七可以返上去都唔好好把握！」

我知道這是機會難得，但就是因為這樣，我才把時間都用在她們身上⋯ 而且還覺得不足夠⋯

愛總是來得太遲，走得太快。人的天性就是這樣，離別了，才能學會珍惜，分開了，不捨卻後發先至⋯ 我明白一切都不可挽回，但是我卻沒辦法阻止自己跌進這個後悔的漩渦之中⋯

如果我一開始就努力追求Tracy，那麼我也許就能夠一蹴而就，讓她早早下了決定⋯ 這樣便不會傷害了明明⋯





又或者⋯

我當初跟明明一起了便學會欣賞她多一點，減少對Tracy的思念，我現在大概就在沙發上撫著明明那一天一天長大的肚子，期待我的小孩出生了。

一切都是「如果」

一切都是「假如」

偏偏我換來的卻是「只是」和「可惜」





我就這樣每天在四合院內沉淪，每天交纏在後悔與不捨之中⋯

我終於發現陰間的好處了

原來沒有時間這個觀念和日出日落，就沒有辦法以「每日」來計算我對她們的思念，和累積著情感的重量⋯

不知是多久⋯ 可能只是過了一會兒吧！

我的爺爺走到我面前。那時候我在庭園的中央位置望著花草發呆⋯

「起身！ 我帶你去見一個人⋯」

我如言的跟著走⋯





他雖然拿著拐仗露一步一拐的走，但是他比我走得還要快⋯ 而且一路以來臉不紅氣不促⋯

這就是「老鬼」的靈力吧

他在城裡走來走去，直到我看見一處好像大排檔的地方，他停了下來。

他著我在街上等待，他就自己一個人走了進去⋯

我呆呆的站著等，看見其他的鬼魂都是頗恐怖的⋯ 他們有些沒了半邊臉、有些比我還要血淋淋⋯⋯一些竟然是拿著整個頭顱在街上走，別說我是生人，就算我現在是鬼也都被嚇得想吐⋯

只是，他們都不約而同的來到這大排檔⋯

他們集結在一起，有些嘈吵和不安的騷動，我相信，在陰間果然是沒什麼規矩，要鬼魂守秩序大概是笑話！

「喂！ 走開先！」




在大排檔內走了一個人出來大聲叫道

「我都講明唔係個個都幫架啦！ 三時五刻就圍响我間鋪度⋯ 煩死人！」

我定神一看，那男人中等身材，有點胖胖的，臉上長滿短鬍子和一頭短曲髮⋯聲線甚響亮的他我差點以為是張飛轉世⋯

「你！」
他指著我
「我同你有緣！你入黎！」

「但係⋯ 我⋯ 我等緊⋯⋯」
我有點猶豫怎麼會選中我⋯ 我走開了爺爺怎麼辦？

「唔駛講！入黎啦！你等緊既人响入面！」
我聽他這麼說只好如言內進





我邊走邊回頭，看見那些陰魂都馬上「噓」的一聲作鳥獸散去了⋯⋯

「我一陣會講哂你想知既野⋯」
他聲如洪鐘的一邊說，一邊穿過整個大排檔的樓面和廚房⋯ 我邊走邊看，發現廚房內工作的都是紙紮舖的童男童女⋯ 他們樣貌都是一式一樣的在工作⋯

「到了！」

他就在一間小房間的門外站著，旁邊就是我的爺爺⋯

「月⋯ 你阿媽好擔心你⋯所以我諗呢度應該可以幫到你⋯」

「韋老爺你返去先⋯ 我一陣會帶佢返黎架喇」

於是我爺爺離開之後，他才願意把門打開⋯





我們內進之後，發現其實只是一個普通的小房間，除了一般傢具就是一張書枱。

他著我到書桌那邊坐下，我們分賓主席而坐⋯

「頭先你話同我有緣⋯ 」
我一坐下便問到底發生什麼事

「係呀！」
他從衫袋抽出一大疊鈔票
「呢啲就係我地既緣份！哈哈！」

我正想鄙視他的行為和驚訝原來陰間也有騙案的時候，他便正色補充

「我平常真係有緣既人先會幫既⋯ 不過你爺爺真係好有誠意⋯」
他把鈔票慢慢放回袋中⋯

「因為我跟住講既野⋯ 係有違陰間既法規，而且，我要你保守秘密！」

他就從抽屜內拿出一份合約，大概都是說要我保密和聽從指示之類⋯

「先講清楚⋯ 因為我所做既係有違陰間法律，如果被發現，不單止我會出事，當事人亦都永不超生⋯ 而且如果你洩漏我所講既野，我都會知道，到時你既後果唔會比落地獄差多少⋯」
他雙眼圓睜的看著我說

「咁⋯ 你到底會幫我啲咩？」
我還未笨到不知道他會做什麼便答應他

「說不得！ 總之係有關陽間同點樣响陰間生活既方法⋯」

我一聽到「陽間」這兩個字，便好像中邪一樣在合約上蓋上了手印⋯

他見我一蓋了手印便一把手將合約抽走

「多謝！咁我地而家開始⋯」
他裝模作樣的笑了一下

「你係咪有心事未了？」

「係呀⋯ 你點知？」

「哈哈！ 十個死既人九個都心事未了架啦！ 只不過係有幾大個心願架啫⋯⋯」

他拿出了一張圖，跟我解釋一下我的輪迴過程⋯

「你之前應該見過個白頭老伯架啦⋯ 」

我點點頭

「佢都講過，你而家處於下三道，所以你自入城開始既每一個人都係下三道既人，大家都只係等⋯ 等下幾時要再去見白頭老伯，跟住就到下一個程序⋯ 即係審判」

他在圖的下面圈了一圈

「其實大家都係因為死既時候冇親人念經迴向，所以遇到業障而不得力，大家對死亡亦都一定帶有恐懼⋯ 所以，無論你係死於非命定係因病而死，又或者心事未了而壽終，都總係會有一口怨氣响度⋯」

他就指一指我

「所以，大家先會落入下三道⋯」

「咁⋯⋯ 即係冇得改變？ 咁點返陽間？」

「有方法⋯」

他舉起一隻手指

「一！ 你可以藉住七月節鬼門關開既時候重返陽間⋯」

他再舉起一隻手指

「二！ 就係真真正正再投胎做人！」

我聽到這裡雙眼發光，正在期待他告訴我方法

「但係要由下三道轉化為人需要一啲時間準備⋯ 所以而家最基本就係幫你改善生活，之後等待鬼節來臨⋯」

「可以點？我地而家都冇錢⋯ 根本都比唔起錢啲鬼卒去贖返啲財產⋯」

嚓！
他拿著一張冥通用力的拉著

「你有冇聽過報夢？」

「有⋯ 」

「咁知唔知點解有啲人成日話冇夢見過⋯ 有啲就話有，但唔係成日見？」

我大感好奇
「咁點解？」

「因為係關乎錢，同埋佢地識唔識⋯」

「識唔識？」

「係！ 當你地靈力足夠既話，其實係有能力向親人報夢既⋯ 不過，通常靈力到咗嗰個地步既時候，你啲親人都應該已經落得黎七七八八⋯所以都冇咁既必要⋯ 而另一個方法就係搵佢⋯」