早兩日OT遲收工,女上司叫我上去佢屋企..: 4

我: 下? 冇啦啦見咩野...
佢: 我想俾佢知道, 我搵到個比佢更好既男人..
我: 唔洗呀?
佢: 要！！！！
 
我嚇左一跳, 從來未見過一直都好nice既Angela.咁惡, 甚至...有d猙獰....
可能佢真係受左好大打擊, 我唯有求其安撫下佢先...
 
我:好啦...一係搵日約飲茶,最多我請你食灌湯餃..
佢:唔洗, 佢而家就係到


我嚇到即刻彈起身: 咩...咩話?
 
我不停兩頭望, 拿拿林著番d底衫底褲
佢係到笑, 好似風中入面既一塊枯葉咁,笑得好淒涼
 
紅色液體....
一地都係....
絕對唔係茄汁...假血漿...
係真血....
 


Angela帶左我去隔離間房....
間房乜野都冇....得個全身赤裸既男人...
仲有d血係個後腦到湧出黎...呢個應該係致命傷...
係....係一條死屍...
 
我再次呆撚左, 差啲企都企唔穩...
Angela係隔離扶住我...
慢慢咁拉到我去條屍面前...
一齊跪左係到...
 


佢好溫柔咁講: 老公....老公? 你知唔知我有幾愛你? 呢十年黎..我對你既愛都冇減少過..就算你由日日接我放工, 到一星期先見我一次, 我都冇介意過....因為我真係好愛好愛你...我知你都好愛我架...呢十年黎痴埋去你到既女人....你玩既女人....我都知係應酬, 係逢場作興....你仲好愛好愛我....



佢突然變左語調, 變成好高昂既哭腔:
"點解? 十年黎有幾多人追我?有幾多人鍾意我? 但我一個都冇接受呀!!!!你呢? 每個送上門既女人都屌!? 我可以冇所謂, 我可以扮睇唔到, 我可以扮唔知, 但點解要為左果個死八婆, 要同我離婚!!!? "
 
Angela講到激動處, 不停更用手拍打條屍既後腦...
條屍d血滲得更勁...佢隻手都係血...
 
我feel到背脊d冷汗出緊黎, 我係on9毒撚,
但我都知道咩事...用屎忽諗都知...
Angela肯定係因為佢老公有第二個...一怒之下殺左佢...
真係冇諗過...人見人愛...咁nice既Angela...會變成咁...
 


竟然會殺人