原來……由始至終我都只係一隻 觀.音.兵: 2

到左第二日，即係十月六日 

同女神食飯喇嗚哇 

好興奮 

開始食飯前，佢將D刀叉筷子清潔好抹好哂然後雙手遞比我
 
佢呢下舉動真係令我震驚，連忙講唔該 



 ：我就咁睇落以為你好多人追既添，點知原來你平時係自己一個食飯架咋？ 

 ：我係呢間學校冇朋友架 

 ：咁上次同你一齊上堂果個男仔呢？佢…唔係你男朋友咩？ 

 ：佢唔係呀，佢都冇讀果科既，佢淨係果堂入黎陪我坐架咋，我諗佢係呢間學校唯一一個追我既，但我唔鍾意佢 

：(心裡暗爽)點解呀，佢唔好咩？ 



：佢好煩架，佢第一日番學就識我，一路到而家晚晚都係電話纏到我半夜三四點先訓 

： 咁得人驚？！ 

：而且佢好軟弱，成日係度喊，好似琴晚咁，佢同我講分唔到組，呢D咁小事佢都可以喊一兩個鐘先收聲 

跟住又係一輪閒談 

 ：係呢，你幾時生日架？ 



 ：X月X日 

 ：咦，處女座喎 

 ：係呀，我係處女黎添架 

 ：哦，得喇得喇  (真係估唔到佢會咁講) 

… 

 ：我講個笑話比你聽丫，從前有隻烏龜行行下路見到隻蝸牛，就話：「不如我揹你啦」，蝸牛話好丫，烏龜又繼續行，見到螞蟻，又話揹埋佢，螞蟻上到烏龜背脊，見到蝸牛就同佢打招呼，蝸牛就同螞蟻講：「扶穩D，隻烏龜好快」好唔好笑 

 ：( 笑到掩住塊面震哂)，真係好好笑 

一路傾計我都有講下笑，佢又真係笑唔停，成個氣氛好輕鬆 



有一下我諗住同佢玩咁，將我舊雞夾到佢個咀前面 

點知佢真係含落對筷子度食左 

 ：同你傾計真係好開心呀，你好可愛呀，份人又搞笑，一定有好多女仔暗戀你 
 ：冇可能啦，我只係一個毒撚，男仔朋友我都好少，莫講話女仔朋友 
 ：一定有架，你信我啦 
食完呢餐飯，我興奮到成晚訓唔著

又到左第二日同佢一齊上堂了 
其實兩日前M發燒冇番果堂，阿Sir堂上播左一條片比跟住要我地番屋企做功課 

由於M缺席，所以佢要問阿Sir借隻碟即日放學睇番 



而由於M緊接有堂要上，我就主動話幫佢上教員室借碟 

到佢放左學之後我就比隻碟佢，仲同佢講陪佢一齊睇完先走 

 ：會唔會阻住你呀，條片成個鐘喎 

 ：唔緊要啦，還掂隻碟要我親身還架 (其實係搵個籍口想陪佢) 

結果佢係度睇片，我就係佢隔離部電腦上高登 

有時睇到D戇鳩POST，佢仲會同我一齊笑添 

完左之後 

 ：琴日同你講，追我果個男仔呢 (以下稱果個男仔做B)，佢約左我陣間放學行街呀，但係仲有半個鐘佢先放學，我地而家傾陣計先走丫 



 ：好呀，又話佢好變態，點解又肯應佢約既 

 ：因為我本身好鍾意睇男裝架，而且佢話帶埋佢表妹出黎，佢話佢表妹好鍾意佢架，我八卦想睇下佢表妹係咩樣 

跟住又傾左一輪，但係今次我冇講笑話 

 ：係呢……你…冇男朋友咩？ 

 ：冇呀 

 ：其實你份人咁開朗，你應該好多人追先岩架 

 ：係呢間學校真係冇呀，但係出面就有既 



 ：咁冇個睇得上眼咩？ 

 ：冇呀，同佢地相處既時候都唔可以自然既，你知我啦，鍾意搞爛GAG架嘛，又表情多多，D男仔個個都嚴嚴肅肅咁，通常同佢地出一次街後，佢地再約我我都唔會再出架喇。 加上我覺得對人冇意思就唔好制造咁多回憶比人啦… 

又傾左一陣，呢個時候B都已經放學，我就目送佢地離開了，但係我一D呷醋都冇，可能我知M點都唔會揀一個變態佬 

半個鐘後，電話響起，竟然係M，佢唔係行緊街既咩？…… ：喂，你唔係行緊街既咩 

 ：係呀，佢而家試緊衫呀 

佢講野好細聲，應該係唔想B聽到 

 ：咁你打比我做乜呀？佢表妹呢？ 

 ：原來佢Fake我架，借表妹之名想同我單獨出街咋 

 ：咁賤格？！ 

 ：你係邊呀？ 

 ：我番緊屋企喇 

 ：喂佢出黎喇，Bye Bye 

呢個時候，我淨係覺得點解B可以咁賤格