原來……由始至終我都只係一隻 觀.音.兵: 13
1月31日
到學校，M突然攞左隻公仔出黎俾我睇
：你睇下，係B送比我架 我一望
，知道呢隻係M一向好鍾意既系列，我本來諗住情人節送比M…點知比B快一步，所以我有些少唔開心 我又因為呢D少事搞到鬱鬱不歡了…
放學既時候
：你唔開心呀？ 
：唔係呀 ：你係咪唔鍾意我喇？ ：… ：你係咪唔鍾意我喇大鋼砲？ ：
你UP乜呀，我點會唔鍾意你呀 ：好彩姐，唔可以我鍾意你既時候你唔鍾意我架嘛
：咩話你講多次？！ ：冇野喇… 佢話鍾意我？！佢係咪話鍾意我？！
我伸手搭住佢膊頭，佢亦都冇抗拒
行到去巴士站等車既時候
佢將塊面哄埋黎然後
左一下，但係冇掂到我個嘴 ： ：你咁即係咩意思先
：唔知呢年三十晚，M無端端係MSN震我
同我講佢諗番起以前既事所以好唔開心
跟住佢同我傾心事傾到凌晨四點幾
佢同我講
：大鋼砲我真係好需要你，雖然我好怕我阻住你，但係我知你一定會聽我講 ：我知道你過去有一段好唔開心既回憶，所以以後既日子我希望可以令你過得開心D ：大鋼砲你係我最信任既人 ：多謝你 ：你會唔會疏遠我？ ：一定唔會 ：真係好多謝你聽我講，我訓喇到左年初二，我地係度諗年初三去邊度好
：你想唔想去我屋企拜年呀？ ：唔係咁好啦，我一個女仔上你屋企拜年，你估你阿媽會點諗？ ：…哦…咁算啦 之後決定左初三去CAFE做功課溫書
溫書期間佢又不斷係度同人MSN，我個心真係好UP
我唔知做乜佢仲要係咁叫我去搵女朋友
今次我真係火
：點解你硬係要講埋D咁既野既，你明知我鍾意你架 ：我唔知喎 我一路慶到走去搭地鐵
本身我地同一個站落車，但係到站果時佢又係度講笑
：不如你唔好落車啦 ：好呀 結果佢走果時我真係冇落，跟住佢打電話黎
：喂你去左邊呀 ：係你叫我唔好落車既 ：你係咪痴線架！我……唉算啦冇野喇 收線
呢個時候我都好後悔，我鬧自己
「屌大鋼砲你係咪男人黎架，洗唔洗咁小氣呀，你話而家點算！？」
點知好好彩，我係巴士度撞番M
M見到我即刻笑番
：你唔係走左既咩 ：對唔住呀，我應承過你話唔會疏遠你架嘛 ：去死啦你！ 我唔敢想像如果我撞唔番佢會有咩後果
2月8號，M冇番學，我又搵佢唔到
點知佢無端端喊住打黎話我知佢係樓下叫我去陪佢
：你可唔可以落黎呀
於是我即刻連同紙巾衝左出去
：發生咩事呀？ ：又係個B呀，佢話我講大話，話我扮病喎，我覺得好委屈呀 呢一刻我諗：「既然佢咁乞人憎你洗唔洗咁在乎佢點睇呀」
不過我冇再理咁多，只係不斷咁安撫佢
：大鋼砲你真係好錫我順帶一提，其實識M一路以來佢都會係咁數臭B點衰點衰點乞人憎，我都問過好多次
：既然B咁乞人憎點解你仲要同佢聯絡同佢出街，唔理佢咪得囉？ ：我都想呀，但係我一唔理佢，佢就會係咁打比我，又會係我樓下等我，我真係怕左佢先迫於無奈咋 (我見過最高紀錄M個電話係113個未接來電，全部由B打出)
：佢又會成日鬧我，我真係好怕比人鬧架！我好怕佢架！2月10號至12號連續三日我地都出左去玩
2月10號食飯既時候，M又係度大數B既不是
：…(刪一萬字)，B真係好乞人憎呀！又大男人又小器，成個女人咁，我呢世都唔會同佢一齊！唔好比我批中吖，佢呢世都唔會娶到老婆！ 我見佢真係好鬼勞氣咁
：咁好咁忟啦，而家我咪同你出黎玩下番度火囉 ：唉呀我真係好忟憎呀 2月11號
我地玩玩下既時候M同B係度MSN，無端端B同我講
：唉個B又煩住我要我去同佢食飯 ：(苦笑) 佢地又傾左一陣
：唉我屈服喇，我真係怕左佢，我而家要去搵佢，你睇下 跟住佢遞左部生活態度比我望一望
佢想比我睇既係B點樣纏住M要同佢食飯
但係係佢Roll落去之前比我望到一句由M發出既「你要陪我食飯-3-」，但係佢以為我望唔到，我都冇出聲
呢個時候我諗：
「你唔係話B纏住要搵你咩？點解係你主動搵佢食飯既？」
於是我問左一句
：係佢死纏爛打話要同你食飯？ ：係呀 雖然我有少少疑惑，但係之後我都選擇左百分百相信M所講既
2月12日，我地都出左去尖沙咀玩
：B成日都同我講想同你做朋友，我同佢講：「你唔好騷擾人啦」 ：辛苦你喎 ：B同我講呀：「你唔好理大鋼砲啦，係學校聽人講佢係傻仔黎架」，我即刻同佢講：「咩傻仔呀，人地不知幾溫柔幾細心呀」。我成日係佢面前讚到你飛起搞到佢好呷醋 ：其實佢都錯唔哂，你識我耐左都會知道我真係一個傻仔 ：你唔係囉，我覺得我已經好了解你喇