原來……由始至終我都只係一隻 觀.音.兵: 16
又到左第二日
我地一齊番學之前經過藥房
佢叫我幫佢買左盒事後丸
佢話情人節既第二日已經食左粒
但係唔放心所以要食多粒
番到學校之後佢又係好似乜事都冇發生過咁繼續有講有笑
我真係百思不得其解
唔通佢唔開心都要扮開心？
呢日我地又要出去中央圖書館做功課
因為發生咁大件事，我個樣始終有D鬱鬱不歡
M見到就問我
：你又搞乜呀大鋼砲，你又唔開心呀？ 
：發生D咁既事，你越扮冇野我就越唔開心 ：我都冇野啦，你唔洗唔開心喎 但係無論如何我都係強逼唔到自己扮開心
M見狀就好晦氣咁話我
：你變左喇大鋼砲！以前我次次同你黎圖書館都好開心架！今次都唔開心既！ 我見佢咁講，唯有勉強擠出笑容同佢玩
坐低之後我地照舊拎部電腦出黎做野
做野其間佢一路係度MSN，仲要成日擰斜部電腦，好似驚我睇到佢講乜咁
做做下佢又去左洗手間
今次我又做左仆街仔，我又開佢MSN Record黎睇
發現左，佢又係度同B甜言蜜語
我覺得有D奇怪，發生D咁既事仲可以同佢講D咁恩愛既說話？
究竟佢諗緊乜？
究竟發生咩事？
呢個時候我開始有D懷疑
開學頭比人強姦完仲可以笑笑口咁扮冇事扮半年？
仲可以同果個男仔繼續相處？
會唔會其實呢個根本唔係事實？
唔會！佢點會用咁大件事黎呃我？！
係喎！M話過B威脅佢要扮到好似佢女朋友咁喎
因此，我說服到自己繼續相信佢
又到左第二日，呢日佢話約我放學後去買野
因為發生左咁大件事
我就成日都叫佢去邊都話聲比我知等我唔洗擔心
有咩事既話我都可以第一時間衝出去救佢
番到屋企之後，佢係MSN同我講
：「我知你好關心我好緊張我，但係我唔想我次次去街都要通知你在先，無法同以前果D同學朋友出去。好幾次我出街無預先通知你，我唔想下下都講，又要擔心你懷疑我同B出街，我寧願瞞住你..但係你會唔小心打去我屋企/媽咪.就揭發我出左街。好次年初二果次咁，我自己出去無同你講，因為我想自己一個，點知你打去我屋企揭發我出左街，你就會問我點解出街唔搵你…可能我咁講，你又會誤會，又會問我係咪拒絕你，但係我唔想次次出街要講大話/隱瞞你，之後又要驚你發現…我衣家同第二個男仔朋友出去，唔好嬲我放你飛機，因為始終果個朋友少見D…唉.我唔想解釋，總之你唔好又諗多左，都唔需要擔心，我今晚會叫Daddy接我…我知道你真係好肉緊我，但係我OK架..」 我真係唔知點回應佢，老實講我覺得佢有D九唔搭八
係咪真係我太過分關心同擔心搞到佢好唔舒服？
：我知道了，對唔住 ：你唔好唔開心，你唔洗對唔住喎又到第二日
今日M唔洗番學
我就放學之後同第二班朋友食飯
當我一同佢地匯合之後
其中一個朋友(朋友=
)就同我講： ：「大鋼砲，你係咪失戀呀？」 (註：因為我同M半年黎係學校好似糖痴豆咁，好多人都以為我地一齊左)
：痴孖根，無端端失咩戀，你UP乜春 ：早兩日我見到M同個男仔係新港中心拖手仔行街喎 ：(早兩日？咪即係M話比B逼左出去果日？佢果日番到屋企仲向我哭訴話好辛苦好委屈架？點會同佢拖手行街呀？究竟搞乜？) 我覺得好疲累，我唔想再揣測，究竟佢諗緊乜？我好辛苦
我冇哂心機做功課，冇心機做任何野
行屍走肉咁番到屋企
M來電
：XXX個Project就快交喇，你做野未？ ：係喎，等仲溫緊第YYY科個測驗添 ：我真係頂你地唔順，就黎要Present，你地都唔著緊份功課，冇辦法啦，你地成組人都唔緊張咪唯有我緊張囉，OK我唔阻你喇，你繼續溫YYY啦 我已經好唔開心，但係我又唔想佢唔開心，所以同佢講
：我唔溫住喇，你Send個PowerPoint黎我地一齊做啦 ：唔啦我唔阻你喇，你溫書啦 ：你Send黎啦好冇？ ：唔洗啦我自己做得架喇 ：你Send比我啦好唔好？ 終於佢都肯比我同佢一齊做
十五分鐘後，佢MSN同我講
：對唔住 ：應該係我講對唔住 ：係我發脾氣 ：我冇怪你果一晚我去左佢樓下間M記度一齊做
雖然我已經好攰，但係我依然扮個開心樣出黎費事佢又唔開心
做做下功課佢又係度搞我個頭搞我條頸咁撩我玩
其實我有少少唔耐煩，但係唯有陪佢玩
傾傾下佢又同我講
：哦！大鋼砲你係咪有拍拖呀？ ：我邊會有，你就有拍拖 ：我冇 (同B拖埋手都唔係拍拖？)
：你冇咩？！你有… ：我冇拍拖，我唔准你咁講！
其實我冇唔信佢，因為始終佢冇可能用咁大件事咁大壇野黎呃我
我只係好多疑問
但問出口又驚佢唔開心
直至兩日後，即係星期六晚…