【重力甜】《一句講哂，揀家姐定細妹》（完）: 第59回

「呀，我要上堂喇。」細妹話。講完就默默地離開左圖書館，留底呢一張字條。

「哼。人類真是垃圾。」我一諗起班搞鳩細妹既MK仔我就嬲，一時唔小心學左華仔D語氣。不過到而家我都未諗明點解華仔會變左女人聲，明明之前果次我係I大比飛仔打，佢出黎救我果時非常雄糾糾。

係小息完結同3pm呢段時間，我係呢間中學度視察環境。大約個地形我都熟左，都不外乎果d架啦，bio lab呀 phy lab呀 ， music room之類乜乜柒柒哄啦。不過我想講既係，呢度d守衛極鬆懈 。直頭隔離地盤D工人可以入黎借個廁所痾屎.. 

可能你會話，中學之嘛守乜撚野衛呀，看更校工都係搵食姐.... 之但係，好可能會比不法之徒潛入！！     

一到2點51分（其實未到放學時間），我即刻就走上約定地點，2樓男廁，進行埋伏...我隨時準備好戰鬥！ 不過一個毒撚，無咩武器唔得掂，於是我學華仔既忠告，又走返落PE room，m左支棒球棍上黎，又袋住支螺絲批。總之有咩E郁，羅住支竹！！   



男廁個門係關上的，我都唔敢貿貿然行動，只係外面聽住。等左大約一分鐘，冇動靜，確定入面無人，我先走入去廁所。 

「我靠！！」除左臭味可以話乜都冇，男廁永遠都係咁臭唔知做乜鳩   。真係唔明點解痾尿既地方都可以臭成咁。千年古墓都未必有咁臭   。唔理啦，我是但揀左一個廁格，入去鎖撚左度門，慢慢捕住... 

過左二十秒都冇，就有人聲啦 ！真係時間岩岩好，想打個丁既時間都無。   

「黎啦黎啦，比我睇下你班仆街咩料。」我同自己講。

點知原來係有個老師入黎痾尿，仲無洗手就走左出去。   



唔緊要，細妹唔會呃我既！我望一望手提電話，2點57分，應該都差唔多架啦。  你班仆街一陣就知死！ 

「行啦！行快D！」 竟然有女仔聲？呢度明明係男廁黎喎！   

仲有幾個男仔聲：「今日忍左好耐啦...拿拿聲解決！ 」 

仲有少於鎖鏈聲... 痴撚線，點解會有鎖鏈    

唔通係SM！？