相信好多人都聽過分左手既女猶如豁出去嘅水、但如果天比多次機會返轉頭重新認識過一個人、唔知大家又會點樣做呢?
仲記得項少龍去回到過去既時候,個濕鳩博士講過你係依家做既所有野都會影響到將來、仲可能會改變歷史!所以我呢一刻做左個重要決定就係...以不變應萬變!!
巴士一埋站我同呀曚就好自覺咁上左上層坐、係好多人既情況底下竟然仲有個雙人位喎,估唔到呢個年代啲香港人仲咁有道德。

通常識女仔開話題既時候都會好陌生咁了解左對方基本資料先,我當然唔會例外喇!

但係對於一個以經知道哂佢所有野既我係好無聊,唉....反正都扮開傻仔咪繼續扮落去囉,又要重新再了解多一次....
「咦?係喇..呀曚你係點識呀杰個啲架?」
「呀杰係我個好姊妹個男朋友、有一次佢黎接紫螢、跟住因為我要同佢去食飯,呀杰咪跟埋黎囉、係個次之後我地發現幾夾,所以就成日出黎玩呀、吹下水咁囉!咁你呢?你又點樣識呀杰架?」
「我係同呀杰from one同一班坐隔離,玩下玩下就開始friend底!係呢?點解你會叫呀曚既?」




「無呀!因為佢地話我成日春虫虫,所以咪叫呀曚囉、係喎點解你會知我咁多屋企野既?」
「um!超能力呀麻!」
「快啲講呀!
「我估下架渣!我見啲電視情節都係咁、通常靚女、識d朋友都係因為呢啲!所以我先亂咁嗡渣嗎!」
「真係?!」

我使出一副呃盡萬千師奶既純真表情答
「你問你真係靚女定啲咩真係!?」
「喂呀...你明知我問乜㗎,問你點知我咁多野㗎」
「我點會知咁多啫....真係亂估渣」




「有無咁易估呀...」

哈!十年前既今日佢都仲係咁好呃、又唔怪得佢叫呀曚嘅,真係人如其名!

巴士行駛咗一段路見到呀曚佢面色好似有小小唔舒服
「你無事呀嗎?我見你面色好似唔係咁好喎!不如我借隻手臂比你抖下喇好嗎?」
「唔洗喇!我轉頭就無事架喇!」

過左無耐佢都係好自然咁訓左係我隻手臂到、呢種感覺真係好懷念、我同佢拍拖嗰時次次佢都會係我隻手臂訓、因為佢會暈車浪,所以呢個時候我都會播佢最鐘意聽既歌、好小心咁拎條headphones放係佢耳仔到比佢聽住黎訓!





呢一刻我不自覺咁做咗同樣既事!一放係佢耳仔到佢微微咁縮左一下。
「點解你會知我鐘意聽呢隻歌既?」
「哈!你唔記得我有超能力喇咩!?你慢慢訓下喇、隻手臂借比你架渣、你仲差我一隻手臂、要還架!」

由於佢暈緊車浪,根本無乜精神再質問我,所以佢只好繼續係我手臂上休息...
係車試面就一直播住呢隻Kelly Clarkson 既because of you
「Because of you~

I never stray too far from the sidewalk

Because of you  I learned to play on the safe side so I don't get hurt~

Because of youI find it hard to trust not only me, but everyone around me~

Because of you I am afraid~」





依家個場面就好似初初同呀曚拍拖個時咁、我真係好希望可以一直咁樣落去、但係我知道往往美好既時光都係過得特別快。

唔知係幾時開始快樂以經再唔係必然、人長大後笑容以經再唔係因為開心而笑!因為笑只不過係一個表情並唔再係因為快樂以去開心大笑。

有時候都唔知係因為開心而開心,定係因為唔想身邊既人知道你唔開心以扮開心、人長大左真係再諗唔到太多令自己開心既理由、可能係因為根本無野值得你再去笑再去開心。

回到過去係一件好多人都夢寐以求既事、因為有時候你真係會情願做返一個無憂無慮、無壓力既一個青年、去追夢、去做自己鍾意做既事、係呢一刻我有個衝動想追返佢彌補返一啲我嗰時無做既事!
「呀曚!你....可唔可以比你電話我呀?」
「可以呀!你比你個電話我呀、」
呀曚就係咁在電話上接上鍵掣將佢個電話號碼記係我電話到。
「好喇我唔同你講喇我要落車喇!你悶就打比我或者sms 我喇!88」

隨住呀曚離開我身邊直到落咗車,我望住呀曚個背影慢慢咁變得越來越遠,





我既心情如同第一次坐過山車一樣,從開頭初初重新認識嗰種期待,緊張。到神推鬼擁咁一齊搭車返屋企,兩人相依並排坐𠴱種興奮,喜悅。直至最後佢已經消失咗係我身邊𠴱種失落,不捨。
𠴱種難過令我控制唔到自己,我呢刻連一秒都唔想再同佢分開,於事好自動咁即刻就sms佢
「呀曚?」
我仲諗緊佢會唔會忙緊又或者唔想理我既時後,電話震動咗下,佢竟然係秒回我…
「你咩台架、唔同台我唔同你sms架!」
我點春記得我中學時候既自己係咩台先得架!唔通我係未來返黎我又同你講咩?不過我睇一睇個電話先知原來我細個係用人仔架喎!
「人仔呀、你呢?」
「嗯~同台喎!咁都可以同你sms既、做咩事呀?你咁快就悶喇?
「唔係呀!我想問聽日仲會唔會見到你呀!?」
「見我!?唔得呀聽日要去同呀媽食飯?!」
「咁.............」
「你想搵我既話打比我同我傾電話都得既!」
「好喇!咁我聽日打比你喇!」

中學生時代既我真係好舒服、好開心、因為每一個人都好單純、好真、完全唔會有虛假既感覺、唔洗好耐我以經返到去我搬左好多年既屋企、多年無見既看更姐姐同樣都係用一個好親切既笑容




「靚仔你返黎喇?做咩你個樣好似咁唔開心咁既?」
「無呀、諗緊啲野姐!」
「唔好諗咁多野喇!依家你仲細應該好開心咁去享受你依家既時間、因為過左就無架喇!知嗎?!」

 
已有 0 人追稿