媾女啫....唔洗咁呀: 入會？

究竟我依家既命運係會變成點呢？
眼看一處好多流浪貓狗既公園，周邊既人除咗一班爛仔就係皮黃骨瘦既道友，對我黎講呢度係一個完全陌生既世界，同我原本認識既社會呈現出強烈對比，之前雖然都知道有現實社會係有一個咁既世界，不過都係從報紙雜誌認識，而家我真實身處於呢種環境，得到另一種感受...

「文哥！呢個係我個老朋、啱啱就係佢比肥暉班人打」

「繩仔你無撚野呀！你老朋比人打你自己搞唔掂咩！？咁小事黎煩我？」

「唔係呢...如果剩係打交緊係小事啦....但係大佬你知唔知肥暉班人係出面好串」

「啲𡃁仔想起朵關我叉事」





「但係佢地係出面霸住個球場係為左放毒喎...仲要做爛市」

「咩撚野話！？你講真㗎！？」

「啲風係咁吹埋黎好難假喎大佬....嗱！大佬借班手足比我幫我兄弟之餘順便趕佢地走，點計都有著數啦.....]

係呀杰同佢大佬傾緊計既時侯我唯有企埋一邊呆等，突然有個著住黑色背心紋哂身既男人行埋黎

「喂！你係到做乜鳩！？黎拎野？未撚見過你既！？」





我其實仲未回魂，因為呢個環境太陌生，所以仲係到發緊牛逗，根本無留意到有人同我講野......
「喂！契弟！同你講撚緊野呀！啞㗎！？屌你老母」

呢一刻我先發覺有人係我面前
「首先唔係啞唔啞問題，啱啱諗緊野聽唔到你講咩啫」

「仆你個街！你邊撚度㗎！咁撚串！信唔信我即場溶撚咗你呀死kai子！」

「屌！乜今日𠴱個都問我邊撚度，突然咁多人關心我住邊做咩啫！」





「我屌鳩你個kai子，真係五行欠打」

眼見黑色背心紋身大漢拳頭即將撞落我個頭𠴱刻，聽到一把雄厚既聲音
「龍dee！收薑！」

「大佬...呢條kai子好撚串，唔知邊度走出黎」

「佢係你呀表個老朋黎㗎」

「喂！柏軒你又搞乜！？唉....算！快啲過黎先，我介紹下，呢個我大佬爛命文，叫佢文哥得㗎啦」

「文哥.....]

「哈哈...你條𡃁仔都幾夠彊喎，你真係唔怕比人打死！？」





「唔係呀文哥，啱啱真係諗緊野，所以先誤會」

「得啦！得啦！繩仔話你比人恰，而家想跟我，係咪！？」

「吓！？等等先文哥」

我聽到文哥講呢句之後即刻拉走呀杰行埋一邊
「喂呀杰，我幾時話想跟文哥！？」

「柏軒，我叫你跟文哥都係為你好，唔通你想次次單拖行出街比人撩都忍喇喎，信我啦！跟文哥無死㗎，況且文哥唔係咁易收人㗎」

我正想反駁既時侯電話忽然響起，睇到來電係呀曚打黎我即刻按接聽
「喂....呀曚！？」





「係呀！又話黎接我！再唔出現我就嬲死你！」

「吓！你仲係學校等緊！？」

我望一望時間發現原來己經10點幾...個傻女真係咁痴線為咗我送佢返而等成7個鐘？我諗到呢點個心又隱隱作痛。
「喂呀杰，呀曚仲係學校附近，我去搵佢先」

「喂！咁文哥嗰到點呀！？」

「遲啲再打比你傾啦，係咁先」

「......」
無視咗呀杰之後想講既野,直接出大街搭的士趕去學校接呀曚...路程中我心裡只係得呀曚，將啱啱所發生既一切都拋諸腦後。