封鎖區《Blockade Area》: chapter 1: 再次見面
我已經吾記得左自己有幾耐冇拖住你隻手...那溫暖嘅觸感已經漸漸甘比我遺忘左
自從你離開左之後,我嘅生活變得又冇趣又冇意義...我仍然好記得你訓係醫院張床度陪我傾訴到天亮嘅日子,點解...點解...你可以甘恨心剩下我一個人留係度...
眼淚要流都已經流乾哂,心都已經死了...成個世界都好似變得一片灰暗甘...
「阿妤...,已經2年了...我仍然覺得你仲未離開我甘...」
我望住你墓碑前個張相嘅笑容...令我記起當時你第一次坐我隔離同我打招呼個陣,既陽光又燦爛嘅笑容,係我一生中最窩心嘅回憶。
但你偏偏卻離開了我...你知吾知道我有幾心痛...望住自己深愛嘅人離逝,係最痛苦嘅折磨...
dee...dee...dee...呢個時候我嘅手機震動着
「喂…？」
「良生!」,雖然我冇仔細睇度係邊個,但甘耐以黎得佢一個會有事冇事都打電話比我
「咩事呀Sam...」,今時今日嘅世代已經好少人會打電話比對方,有左whatsapp，wechat之後都已經冇咩人會通電話,「我冇心情打波,吾洗join我啦」
「你又去左個度呀?」
「嗯」
「吾係想揾你打波,只係想問你有冇心情飲返杯野姐」,Sam雖然份人睇落好似個大細路甘,但其實係個好細心嘅人黎
「老地方等?」
「好呀~我買定一打等你,今晚不醉無歸!」
「太誇張啦,你知我千杯不醉架嘛...see you later...」
「bye!嘟嘟嘟....」
真係呀...次次叫我去飲酒但最後都要我送你返屋企,你叫我點安心飲酒...
我帶上了耳機聽着阿妤最愛嘅《不許你注定一人》...估吾到最後真係得返我一個人,如果患病個個係我...你又會吾會一樣好似我甘痛苦...
你講過癌症最痛苦吾係佢帶比你嘅病痛,而係比愛自己嘅人每日都心痛...
「的確係好痛...好痛...個心真係好似裂開左一樣甘辛苦...」,我好無奈甘睇住萬里無雲嘅天空,一片蔚藍嘅天空...正是你最中意嘅淺藍色
我乘坐着地鐵一直前往觀塘,同時間新聞亦播着近期人們一直討論着嘅熱門話題...「中學生失蹤案件」
事源太約係三個月前突然某一間中學整個年級嘅學生全部離奇失蹤...就好似馬航客機甘突然消失得無影無蹤,但經過警方連續兩個月嘅搜索但依然毫無進展...而近日就出現了第二間中學又有整個年級失蹤案件,但最離奇竟然係毫無線索...就算政府話會加排人手調查但依然無從入手,除非...
「下一站觀塘,車門將會在右邊打開,乘客請在右...」,話甘快就到站,都係買定d香口膠先費事陣間成口酒味
正當我行入7仔個陣就見到阿Sam手上拎着幾罐生力啤酒準備比錢,「喂～良生,幫手拎d呀」
「吾洗買甘多,我飲少少夠啦…」,我將佢手上兩罐生力放返入雪櫃
「甘掃興架你」,呢個時候佢扁起個咀對住我
「為你着想咋...好嘔心,咪再扁咀」
之後我地一直行去海濱公園度,相比起以前真係少左好多人,自從件事發生左之後已經愈來愈少中學生出夜街...
「你覺得係咪有人係背後策劃緊...」,阿Sam突然一問之下令我反應吾切起來
「咳...吾清楚,但係我估計應該吾係普通失蹤案甘簡單...」
「嗯…」,Sam一口氣灌了一罐啤酒,「我都冇任何頭緒...再甘落去我驚會比人炒」
Sam佢一畢業之後就去左間新聞公司做記者,雖然香港一直好和平冇大事發生,但佢仍然不斷調查揾真相,呢兩年佢已經有三篇獨家新聞了
「你只係個記者...有d事情都係要有個限度,吾好踩過界」
「哈!我先吾會比呢d野局限自己,不過...」
「不過咩...」
「如果到你失蹤嘅話,我一定會去救你!」
雖然甘講的確有d安心,不過...「感覺好基,算啦吾好再講」
佢一下子投籃動作將啤酒罐扔入垃圾筒度,「車,我去廁所先~」
我一個人坐係長木椅度望着出面嘅海景,仲記得以前都同阿妤一齊黎過睇日落,可惜已經再冇機會...
我個腦無時無刻都係諗住佢...每一個回憶都好似刀甘割着我個心...
「放手呀！喂!」,突然間聽到天橋下面有人大叫着,我立即跑過去睇下並發現有三個身穿西裝嘅男人捉住一個短髮女仔,「喂！你地係度做乜野?!」
「仆街仔吾關你事,識趣就行開,吾好多管閒事!」
「你覺得會有人見到有女仔比人捉住都吾覺得有可疑咩?」,我露出了一個虛假嘅微笑對着他們
這時其中一個西裝男走到我面前,「要怪就怪你多管閒事...」
話未說完我已經一個side kick踢向佢條頸度,他整個人失去了平衡倒躺在地上,而且已經暈左連口水都流晒出黎,「who are the next?」
這時他們二人都看到呆滯起來,突然間那位少女一下子咬向捉住她的西裝男度,並跌倒在地上
「臭丫頭!」,西裝男一下子扯着她的頭髮並掌摑她,「咬我...死八婆!」
我一拳打向這位西裝男度但被他避開了,同時間他一下子踢向我的腹部...我吐了一下口水並躺在地上...「他媽的...真係好痛...」
「吾好呀....!放手呀衰人!」西裝男不斷扯着短髮女孩嘅頭髮...總是覺得呢把聲好似似曾相識甘...
我個腦海突然回憶起阿妤嘅一句話...「我覺得良生你同人打個陣係最有型~」
「吓...平時吾型咩」
她抓住我對手,「無論對手幾強都吾放棄,呢個先係我最型嘅良生」
「甘打抬拳又吾同打架,當真係打起上黎就吾同講法...可能會...」
「吾準!」,阿妤用食指阻止我繼續講,「你絕對吾可以輸!我吾準你輸!知吾知道!」
我握緊着她雙手,「知道啦妤妤~」
「邊個比你甘叫我!哼!...我....」
阿妤...我應承過你,我係吾會輸
我再次爬返起身並擺出了準備戰鬥嘅架式,「喂…吾好甘對個女仔好嘛？」
「訓係地下咪好囉...敬酒吾飲吾罰酒!」,另一個西裝男衝到我面前並一拳揮向我,一彈子間我蹲低身再將全身嘅力和重心放在右拳頭上...一下子打向西裝男的盤骨中間。
咔...骨頭碎裂嘅清脆聲音...
西裝男瞬間失去了意識倒在地上,口裡並吐着白泡,呢一招就係猶如老虎都能打倒嘅一擊,「虎落」
「到你啦...」,我感覺到雙手不斷抖擻着,好耐已經冇感受過呢份甘令人舒暢嘅心情
「你....」
這時有一下強勁既閃光燈照射着,「well well well，牛高馬大嘅西裝男竟然想強暴未成年少女?衰十一有排你坐」
Sam佢拎着一陪數碼相機拍低了一切,「如果你再吾走,我就立即報警」,然後佢拎了部手機出黎,按下了三個9字...
西裝男扔棄了另外兩個西裝男跑去了,「你好野...」
「我更係好野啦仆街!」,Sam舉起了自己嘅中指對住西裝男
「Thanks，好彩你係度...」
「小意思啦,你都搞掂左兩件啦...睇下條囡點先啦」
正當我打算扶起那位短髮女孩嘅時候,佢甩開了我對手,「你想點...走開....」
雖然佢表情依然冷靜,但可以睇得出佢雙腳抖震得快。我蹲在她的面前,伸出了右手表示友好,「已經無事架啦,放心...我地係吾會傷害你」
她慢慢伸出右手並握緊着我的左手,「吾該...多謝你地...」
Sam一幅輕佻嘅樣子望住佢,「洗乜客氣呀」
可是她並沒有理會到Sam,只係一直沉默地握住我對手
「你冇事就好...頭先究竟發生咩事,點解佢地會甘對待你」
她只是一直搖着頭,一面疑惑嘅樣子,「我...我...吾清楚...我吾知...我...」
正當我打算繼續追問嘅時候,Sam阻止了我,「呢d陣間先再探究,此地不易久留」
「甘你打算去邊度?」
「走左先算啦~」
這時剛好有一輛私家車經過,車頭燈照射着一片漆黑嘅天橋底,使我看清楚了那位女孩嘅樣子....
但是....點解會甘....佢個樣...
「嘩，你....」,Sam亦倒退了幾步
我已經好耐冇凝視一個女仔甘耐...但偏偏點解會甘似樣...甚至係一樣樣...「阿...阿...」
我已經控制吾到自己嘅淚水...身體不由自主衝上前抱緊着她...「阿妤...我...點解...」
「你...做咩呀....你...」,那個女孩一下子推開了我,同時亦把我帶回現實
甘又係...人死係不能復生...阿妤並沒有兄弟姊妹...可能只係人有相似...但係...點解...
既然阿妤已經離世左,甘我眼前呢個女仔...「你究竟...係邊個...」
「我個名...叫做潘子喻...」
究竟係天意定係巧合,我都已經猜不透了...我只係知眼前呢個叫子喻嘅女仔,並吾係我所認識嘅黎紫妤...只係人有相似...
我抹乾自己臉上嘅淚水,「行啦!」
「去邊?」/「甘去邊度」,佢地不約而同甘問我
我指往地鐵站嘅方向,「先離開左呢度先再決定...」
「但係...我...」,正當子喻打算喝止我嘅時候,便失平衡倒在地上,然後逐漸失去了意識...
「喂！你冇事嘛,喂!」
「良生,帶埋佢走先...被人發現就有排煩」
我望着倒地上的西裝男,「甘佢地點」
「吾洗理佢地啦,快d閃人」
「嗯…」,我背着子喻離開了這個地方...
的確呢一切都發生得很突然,直到我感覺到子喻她身上嘅重量既時候,我先知一切都係真實...
神秘嘅女仔,一班奇怪嘅西裝男,近呢幾個月嘅失蹤事件...究竟呢一切有冇關連...
但係呢個時候嘅我都仲未知道呢個叫子喻嘅女仔將會帶比我無法估計嘅痛苦同無盡嘅絕望...
呢一刻將會係我最後一次認為呢個世界係有希望...