十二月中的某一天,湘庭跟左我出灣仔188買game。

我︰「我買完都好快手番屋企啦,唔洗咁都跟埋黎。」

湘庭︰「我話過我要全天候睇住你嫁嘛。」

那一夜後,不論我到哪兒,她都跟著我,每天問我行程。

我︰「聖誕假我地諗住去我地西貢玩兩日。到時好多人,你唔好跟埋黎。」



湘庭︰「點解係西貢?」

我︰「因為某同學有間類似村屋既物體,而我地又想hea幾玩,咪入去囉。」

湘庭︰「巧遙都去?」

我︰「.......係。」

湘庭︰「咁我更加要去。平時番學見咁短時間就話無事姐,而家對足幾日點知你會唔會出事。」



算了,我不會說得羸她。

當日連我和湘庭和屋主本人,總共有五男四女。

除了家俊外,另外幾個男生見到湘庭後表現得十分興奮。
巧遙立馬就給了湘庭一個熱情的擁抱。

我︰「你兩個幾時咁熟?」

湘庭︰「要話你知嗎?」



我︰「-_-」

在去目的地途中,巧遙跟湘庭都形影不離。

家俊︰「佢兩個點解會咁熟?」

我︰「我都想知。」

理論上她們只是見過一次,應該不太熟稔才對,最多只是點頭之交。

到達之後,我忍不住抓湘庭到暗角裡問。

我︰「你好講,你幾時同巧遙咁熟?」



湘庭不耐煩︰「我地本來一路都有wts app,但有人前一個月出左事,我開始對巧遙既事有興趣。」

我指住自己。
湘庭點點頭。

我︰「咁你......」

巧遙打斷了我們的對話︰「你兩個神神秘秘傾緊咩?」

我︰「八掛婆婆關你咩事?」

巧遙︰「好巴閉咩。」

巧遙說罷就走了出屋。



我︰「佢又公主病發作。」

湘庭︰「你無啦啦話人八婆,比我就嬲啦。」

我︰「無諗過佢咁醒嘛。」

湘庭︰「你估個個好似你咁低智咩。」

整頓好行李及分房後。
有人提議夜晚BBQ,我們便分隊買吃的。

我跟家俊、湘庭、芷蓓四人一組。
主要係因為我跟家俊最好朋友,湘庭是我妹妹,巧遙只想和湘庭在一起。
我有嘗試跟巧遙說點什麼,但她完全不理睬我,只對我板著臉。



家俊︰「你同巧遙搞咩? 」

我︰「我衰口臭激嬲左佢。」

家俊︰「我唔淨係講今日,你地呢兩個月好似唔識對方咁,搞咩? 」

我︰「不嬲都同佢唔熟。」

家俊︰「唔係喎,你地有一排熟到好似一齊咁。」

我抱著家俊︰「我就真係同你一齊啦。」

家俊掙扎︰「你搞番你呀妹啦死基佬。」

湘庭︰「你兩個仲細咩,成街人都望住你地啦。」



巧遙鄙視了我一下。

由買東西到BBQ的完結,再到收拾,巧遙都不理睬我。
把所有都收拾好後,有些人在等洗澡,有些人則玩手機和聊天。
巧遙一個人走了出去。
我好奇便跟了出去。

我︰「夜媽媽去邊?」

巧遙︰「散步囉,跟埋黎做咩?」

我︰「夜媽媽一個女仔係到遊蕩,驚你好似上次咁。」

巧遙笑了一下,我應該沒看錯,她的確甜笑了一下。

巧遙︰「白痴仔。」

我們走到碼頭便停了下來。

巧遙︰「我地好耐都無試過講咁多野。」

我︰「都好似係。」

巧遙︰「點解要避開我。」

我︰「無,無呀。」

巧遙︰「算啦,你唔洗呃我。」

我皺眉。

巧遙︰「你上次拒絕左我,係會驚尷尬。」

我︰「對唔住。」

巧遙︰「唔緊要啦,但你唔中意姐,都唔洗嘔到一地都係。」

我︰「哈,其實點解會中意我,你係女神黎喎。」

巧遙︰「女咩神,係啲毒撚強行將我神化姐。多得佢地我成日比人話我姣仔收兵。」

我︰「幾方便呀,講聲就有人幫。」

巧遙︰「我有手有腳做咩要人幫,更何況咩都要人幫,咁做人有咩樂趣。」

我︰「唔怪得你同湘庭咁投契,湘庭細細個就好女漢子。細個我同佢係公園玩唔小心跌左係地,死都唔肯比我扶,一定要自己起番身。而作哥哥既我好少去保護佢。」

有時總覺得是湘庭在支持我。就像藍斯朗的事,她願意跟我分擔,唔介意全天候監察我,雖然有點煩。

巧遙︰「你咪問我點解中意你既? 因為你好蠢,你總係為人諗,有時仲唔記得保護自己,總係諗住別人既事。同埋可能你一路有湘庭呢位小女神係你身邊,所以你一早對女神有左免疫,因此我愛上左可以當我係普通女仔既你。」

巧遙這番話確實可以把我拿下。

只可惜......

我︰「巧遙我.......」

又是這種嘔吐感。
果然跟巧遙交心到某個位置時,便會觸動藍斯朗。

巧遙︰「做咩事?」

我︰「對....對唔...住。」

正當我想轉身離開,我突然無力跪了下來。
下半完全發痲.......

斯朗︰「可愛既細佬。好耐無見。」

我眼前投射出一個跟我完全一模一樣的身影 - 藍斯朗。