流星雙子: 天使與惡魔篇: 第十四章 - 聖誕

我被刺烈的陽光照醒了。
頭很痛。我四處視察，沒什麼特別，確認是我的房間。
看來昨晚沒有做錯事。
我忘了我何時沒了意識，更忘了是誰把我帶回家。
我拿起電話打給巧遙。

"嘟...嘟...."

沒有人接聽。



我嘗試wts app她。
也想wts app湘庭。
開著湘庭的對話窗，想起了昨晚的事。
心裡又起了一陣陣莫名的痛。
最後我放下電話行出了房間。

屋裡似乎空無一人。
我梳洗好，煮了一個杯麵。
邊吃邊看電視。
吃完後望望手機，巧遙仍然未讀取我的訊息。



我呆坐在梳化上好了一會。
好想找人開解心裡的鬱悶。

我wtsapp家俊聊一聊我跟湘庭的事。

家俊 {wtsapp好難講，出黎傾。}

我 {邊打波邊傾?}



我跟家俊很喜歡邊打籃球邊聊天。
感覺上男人之間要有些汗水才能傾心吐現。

我拍著球告訴湘庭的事給家俊聽。

家俊︰「中意佢都正常，換轉係我都可能會中意。」

我︰「但佢始終都係我呀妹，雖然唔係親生姐。」

我說畢，家俊便進了一球三分。

家俊︰「你都識講你地唔係親生啦，點講都唔算亂倫，更何況係你地呀媽想契你地做仔女，唔係克意想你地成為兄妹。可能佢地更慶幸你地能成為情侶。」

我做了一個花式走籃︰「好，咁果個男仔單野又點睇。」



家俊︰「只能說湘庭唔抗拒呢個男仔，但呢個男仔有九成機會中意湘庭。」

我︰「問題就係湘庭點睇呢個男仔，基本上讀女校既女仔應該好少機會識到男仔。」

家俊︰「我同你都男女校出生，唔清楚都正常，但尼姑奄同和尚寺好興搞join school果類野。」

我︰「有可能啦。」

家俊︰「據上次去西貢經歷黎睇，佢中意你一啲都唔奇，不過好似佢呢類咁外向既女仔亦有可能佢對熟既人係咁，同埋女仔同男仔唔同，可能最後佢真係只當你哥哥，畢竟從細佢就被灌輸你係佢哥哥既概念。女同男識得耐都會被fd zone更何況你地係咁既情況。」

家俊說話很有道理。
但不是我想聽的。如果她真的完全把我當成親生哥哥，那我就沒戲唱了。

家俊看我沉默了一會便開聲︰「咁巧遙呢?」



我︰「咩?」

家俊︰「人地都做到出晒面。一個女仔好地地點會約男仔平安夜出街。」

我好像沒有告訴給家俊有關巧遙表白的事。

我︰「我知我知，但問題我中意湘庭嘛。」

家俊︰「唉，比我就噴飯答應，女神中意自己，這是眾男生的夢想!! 你夠膽講你對巧遙一啲感覺都無!?」

我︰「又唔係既。但我似因為佢靚先中意佢囉，同湘庭果種中意唔同。」

家俊︰「又有咩唔同呀? 聖人。」

我︰「我對湘庭係長久以黎建立既感情，係有經歷，而我同巧遙只係一刻既衝動，係環境底下而對佢有感覺，什至談唔上係中意。」



家俊︰「你自己諗清楚，有啲野錯過左就番唔到轉頭。」

我困惑的呆坐在球場旁觀看家俊的英姿。
我拿起電話看看巧遙有沒有回覆我。
可惜仍舊是灰色雙剔。

我鼓起勇氣打電話給湘庭。

"嘟...嘟...嘟"

也有沒有人聽。
好像全世界都在避我一樣。

家俊突然走過來︰「你都無心情打嫁啦，不如走。」



我︰「噢，好呀。」

回了家洗個澡，心裡總是有種不安感。
決定到湘庭家找找湘庭。

上去前我打了電話給契媽，問她湘庭是否在家，要求上去找找她。

我進到湘庭家。
契媽迎接我並說︰「湘庭琴晚番到黎之後就有啲唔開心，問極都唔肯講，我落街買啲野，你幫我同佢傾下。」

契媽說罷便出門了。

我叩一叩湘庭的門。

我︰「聽講有人唔開心喎。」

湘庭︰「你走，唔想見到你。」

我︰「做咩事? 係咪琴晚發生左啲唔開心既事?」

湘庭︰「你走呀!!你走呀!!!!!!!!」

我沒有理會，我直接開門進去。
見到在哭的湘庭。
我急忙上前安撫她。

她把我推開︰「我已經唔知你係邊個。」

這句話讓我心很痛。

我︰「琴晚究竟發生咩事?」

湘庭︰「你真係斯洛?」

我︰「當然。」

湘庭上前抱緊我不斷哭，不斷哭......
我猜應該是我酒醉的時候給了斯朗機會出來搞事。

我︰「無事，我係到。」

湘庭︰「你呃人，你話過唔會再比斯朗出黎。」

我︰「咁琴晚發生咩事?」

湘庭︰「斯朗佢.......」

湘庭停了一停繼續抽泣。
看見這樣的湘庭，我肯定昨夜發生了大事。