我與她的故事: 3)

當我之前仲係鐘意佢嘅時候, 我就已經覺得自己係兵。。。 雖然同佢好好朋友, 但係。。。
"Kat, 幫我買呢個呀~"
"喂, 幫我印嘢~"
"你唔會介意車埋我返工嘅~反正都係同一度地方呀~"
仲有好多好多。。。 唉。。。 點解個時我噤傻, 肯做佢隻兵。。。
"喂！"
"嘩！Cathy! 搞乜呀！ 咪嚇我啦！"
"叫佐你好多次啦! 你又無反應~ 咪試吓用D唔同方法囉~ 你地買齊嘢未？"
" 應該差唔多。 Patterson, 我地買齊嘢未？ 咦？ 佢去佐邊？"
"哈哈, 人地肯定唔理你啦~"


"唓, 真係衰人。 咦, 你點解囉佐噤多包pocky?"
"我鐘意食~"
"你點知我地鐘唔鐘意食？"
"唔知㗎, 如果你地唔食咪我自己食曬佢囉~"
"嘩！ 肥死你呀！ 因住無男仔要你呀！"
"唓, 我食極都唔肥嘅, 真係變佐肥妹咪迫其中一個我識嘅男仔要佐我囉。"
"都好, 但到時唔好揀我！我唔重口味嘅！"
" 你就想！ 我噤高quality~ 排隊排到去downtown Toronto 啦！有排都未到你呀！"
"係唔係呀？ 你作大呀？"
"哼！ 就算係無男仔要我呀, 我都可以同我D寵物過人世~ 我又唔係無就會死個D"


"係啦！知你叻叻啦"
"Yeh~~"
"乜原來你有養寵物㗎？"
"有呀！ 我有養狗, 烏龜, 兔仔, 雀仔。。。 總數都有二十幾隻~"
"噤多？ O.O 你真係好有愛心"
我心裏面又加多佢幾分。
"因為我好鐘意動物呀! 我希望有朝一日可以成為獸醫㗎！"
"嘩, 你真係好有心"
"嘻嘻, 好啦好啦, 去搵番佢地啦~ 佢地應該買完D嘢啦~"
正當我地想去搵Fabia佢地， 噤啱佢地就行過嚟。


Fabia: "你地去佐邊呀？ 我同Patterson掛住買嘢, 你地就係度掛住吹水。 好唔公平呀！"
我: "無呀, 啱啱見到大家咋。 同埋問佢點解買噤多pocky。"
"買pocky無罪！"
" 好啦好啦, 唔好再講啦。 再講唔洗去海灘啦"
我和Cathy: "哦~"
我諗無人估到, 呢次對話內容會成為我們之間的問題。。。
(待續)