【我怕沒有這運氣】一個相戀十年的故事: 當愛已成習慣
「喂你好D未呀？」
「咩呀…」
「我次次開機都梗見到你On緊line打NBA，你係咪真係咁自閉呀？」
「嘖，有咩問題姐……一個寡佬響屋企打機有幾咁閒呢？」
「問題係你日日都係咁呢，你係咪練緊葵花寶典呀？」
「我有番工架！」
「放左工出去溝女啦！你都要射精架？」
「我有響公司與時並進，上 JAV Junkies跟進架……」
「你同北韓不停軍事演習有咩分別？咁會痴線架！」
「唉…你地自己去玩啦…東莞唔岩我架…」
「去溝女囉，拿！星期六同我殺落Beijing，黎番一個水乳交融既晚上！」
「咪玩啦…星期六我要湊個仔番黎呀…」
「下個禮拜冇得走喇掛！」
「下個禮拜先算啦……」
「以前o個個殺神特工Dr.Chung去左邊度呀？」
「去左印度喇…」
「喂！係男人既，就今晚同我上去Dup個邪骨！所謂邪骨能勝正，我請！」
「放過我啦老細！我真係好鐘意響屋企打機哩…你唔好煩我啦……」
「哦，你係咪不舉！？講！唔準諗，即刻答！」
「……」
「陰公豬咯……等叔叔呵番…」
「唔講喇，大把野未做…」
「鍾莫言你係咪咁樣講野呀！」
「皮叔，你點可以慫恿你契仔個老豆去玩架？」
「我為你好乍！」
「唉…你都唔好玩咁多喇…俾阿嫂知道一定擰甩你個頭…」
「佢出左Trip呀…黎啦……去啦………」
「唉…咁你星期六過黎見下你個契仔啦！」
「你帶埋佢落Beijing啦！」
「你過黎啦！」
「你帶埋佢落Beijing啦！」
「你過黎啦！」
「喂唔玩，獄長返左黎，拜。」
「拜。」
他叫阿皮，是我的好朋友、伴郎，和鍾翹的契爺，
鍾翹那一輛小座駕就是皮叔購入保時捷時順帶買來給鍾翹作生日禮物。
當年，我跟姜碧瑄開始交往，第一個給她介紹的朋友，就是阿皮。
以前我們常常結伴外遊、閒來上波樓打桌球、到酒吧看球賽、
周末一起駕車到郊外釣魚、吃海鮮。
姜碧瑄有時會埋怨我只顧跟阿皮玩樂而忽略了她，
我笑著道歉，那陣子唯有取消其他節目，
抽多一點時間跟她逛街看電影吃飯。
說實，當你跟一位女生交往超過三年以上，你會覺得朋友比較可愛。
而且，有時候不其然會想自私一下，
下班後獨自到東方188商場吸一下毒男靈氣、
留在家跟網友連線打Left 4 Dead，一邊聊天一邊射殺喪屍、
深夜一個人開車環島一圈，由南區出發，一直跑到石澳喝一瓶支裝維他奶再折返…
那時候總是覺得一個人的自私時段多麼的美好。
兩個人的當時，喜歡一個人的當下。
然後，到現在一個人的時候，又惦念兩個人的當年。一個男人，婚後未必有一個重大的改變，
然而，當有了小孩子，生活不得不作出取捨，
自鍾翹出生以後，我變得心歸，或許回家已成為一個習慣，
無論她在身邊，還是已經遠去，我對一切夜生活也不再感興趣，
當年的殺神特工一去不復返，剩下過度打機的感冒男。
一個小孩的改變之大，就像女人生育後不其然長出母愛一樣神奇，
想起鍾翹一歲未夠的時候，為照顧他連班也不願上，
更何況夜夜笙歌？
對姜碧瑄的感情，可說是揮之不散，
雖然我們最後相處不來，我對她的愛深可是連自己也意想不到。
特別自鍾翹出生以後，我真希望他能有一個健全家庭而產生更大的內疚，
那種失職的罪疚，每天纏著我雙腿，令我的生命變得黯淡無光。
說到底，把孩子的責任交到她手中，生活是比從前輕鬆得多，
然而，心理卻有著無比的負擔。
無奈是她總把一切肩負在膊，堅持獨力把孩子撫養成人。
漸漸，我的「爸爸」角色稀釋了，
我變回一個人，一個單身寡佬，
一個背負著無形罪疚的寡佬，
已夠我無法安然出外把女。
「喂你係咪已經唔鐘意我喇？」
「講咩呀！幾時有話唔鐘意你呀？」
「你係咪已經玩厭左我？最近Call親你，唔係話忙就話遲D先！你當我係咩？」
「老細，我屋企多左個o靚仔呀！你要知道佢係會三點幾喊到第二朝九點架！」
「哼，藉口！你要出黎，點都出到黎架啦！」
「唉，就當我真係好鐘意做湊仔奴…我一放工淨係想返去見個仔……」
「咁我呢？你記唔記得我地以前一齊響屋頂睇星星、一齊聽海浪聲、一齊……」
「記得，baby，我記得…到個仔大個D，我地咪又可以好似以前咁樣囉！」
「我唔理呀！今晚巴塞，你一定要出黎呀！」
「今晚……」
「咩呀！你係咪又想拒絕我呀？」
「今晚唔得呀……我要同外母食飯呀…」
「食完呢？」
「唉…你唔會明白一家大細好天倫咁食完飯返屋企之後，就唔可以再出街架喇…」
「我唔明呀！我唔明呀！我唔理呀！今晚我響老地方等你呀！」
「老地方？好呀好呀！老地方等丫咁！」
「你應該知道我地個老地方係Thirteen Bar呀下，唔好去錯呀！」
「哇……皮叔，放我一條生路啦好嘛……」
「咁你屋企有冇有線丫？」
「有呀…都取消唔到……」
「咁我上黎啦！」
「都得…不過入波唔好亂嗌喎…大王一醒就唔會再訓番…」
「係咪要好似偷情咁睇波？」
「要比偷情更加細聲…」
「你老婆會唔會嬲架？」
「好過我貢出街……」
「我會唔會做左千古罪人架！」
「你唔整醒大王就冇事！」
「你會唔會乘機搞我架！」
「我會帶套，放心。」
「耶……」
「耶…」