HEHE 中甜 <做完愛 ．回家>: Fetish

打開交友APP 見到一個大叔有幾分似阮經天，開profile望望寫明偏好hairy guys。OK呀，我體毛算多，於是say 個hi ，傾落一拍即合。 約好時間地點，準備啪啪啪。

埋牙。前戲一切如常，佢好細心咁服侍，由頭錫到落腳。對於努力做前戲既男人，一律都要加分。要知道好多人做前戲好似開電制咁，循例開完車頭燈就直接埋牙，NO !

雖然我一向鼓勵床上要多互動，但大叔service實在太好，搞到我忍唔住好似女王咁攤屍係床到，well 間唔中都要俾自己享受下既。

有人前戲係會令到你好high，將你既性慾推到最高，令到最後啪啪啪部份可以好似天堂鳥咁登陸月球。但大叔既前戲係愛撫同輕吻為主，一種心靈上令人放鬆既舒服。舒服到，差少少就訓著左。

成個過程我一路都合埋眼享受緊，但慢慢我覺得呢個前戲實在太耐，耐到我忍唔住開始諗緊香港既。於是我抬頭望一望，發現大叔用緊好緩慢既速度，逐寸逐寸咁錫緊我既嬌軀(?)。呢一刻我雖然好感動，但係以佢既速度同我既身型黎計，咁樣錫法，高鐵起完都應該未搞完。





我唯有拍一拍佢叫停佢，當佢枱頭既時候

頂 ! 成咀都係我啲腳毛 !

係我仲未確定我「應該」俾咩反應時 ，佢笑笑口對住我講，「係呀，我食緊你啲毛」

屌!  佢頭先原來係逐寸逐寸食緊我啲毛 ! 頭先我仲心讚佢連手都錫咁細心，原來佢連手毛都唔放過 !

姐妹們，to do or not to do , that is NOT the question.正常人應該著衫走人。





好可惜，我其實都唔正常，我最憎人大我。超，食毛咋嘛，又有乜好怕喎，有咩性癖我未見過? 而且我有少少欣賞佢既誠實，能夠咁大方面對自己性癖既人，我覺得點都要大方回應。 (都話我唔正常架啦)

我轉身反客為主推佢落床繼續下半煬。唔知係咪我既大方受落感動到佢，整個啪啪啪既過程，明顯佢係更用心用力，溫柔又不失力度 (啫係圓得黎又好尖)  每一下都貫穿我，令我慢慢忘記左腳毛既事，兩個人係呢一剎那真真正正身心都 2 become 1 ，果種水乳交融係我近一年都未試過。

完事後兩個人勁滿足咁訓係床到。如是者兩個人繾綣一番後，佢拉我地起身沖涼。我落床時稍為望一下，成．張．床．都．係．毛。

究竟佢食左幾多落肚?

做完愛回家後我一路諗，究竟食毛係點樣刺激到性慾?  用盡我最豐富既想像力都不得而知。





不過性癖本身就係好unique又令人難以理解 ，而且花樣勁多，永遠都有令人意想不到既癖好。 開頭係嚇一嚇，但笑過後諗真啲，如果無真正傷害 ，其實有乜所謂? 最多我會悶左少少囉。

正如同志平權運動成日話，基佬既愛無傷害任何人，唔鍾意女人唔等於變態。其實道理一樣，right ?