話時話,有時要寫下開心野,唔好搞到自己成世人搞野都好似好坎坷。

想當年第一個教識我French kiss既,真係一個法國佬。

話說我仲係18歲扑扑趣時,暑假某個閒日去海灘曬太陽。南灣呢啲偏遠海灘灣少人都爆 (點解南灣? hehe 唔好問啦) 。我著住條布少到唔可以再少既泳褲,揀左個角落諗住慢慢曬。就係咁遇上我人生第一個鬼佬,仲要靚仔大仔果隻。

係我曬曬下既時候,佢走埋黎同我傾計。講左兩句,我知道左佢係法國人之後,就用我係alliance francaiseh level 1 學過既而唯一記得既法文, J'aime le français 咁開始同佢flirt。可能係我個樣實在太姣既關係,講左兩句佢就好自然咀左落黎。

就係咁,我學識左kiss 原來係要伸脷,而且仲要好似洗衣機咁轉黎轉去。亦都係第一次被鬚根勁濃密既男人咀,原來少少刺痛得黎,係好HIGH (雖然我事成後成個咀紅晒)



當然天外有天,人上有人。

隔左幾年,由一個日本人教識我,原來French kiss既極致係可以將一個人既慾火徹底地撩晒出黎。  (所以話一生人點都要同日本人搞一次學下野,佢地跟本就係活生生既性愛教科書。)

第一次出差到日本,膽粗粗上左聞名已久既24會館發展場。我仲記當晚人好多、環境好暗,但佢,就好似漆黑中既螢火蟲咁出眾。我追逐住呢一點光行左幾個圈,終於等到佢回頭望向我。當我地互相對望既一剎,我知道得米啦!! 然後兩個人好有默契咁手拖手入左房。

正所謂年少氣盛,男人呀~! 做呀~!  當我好心急咁撲埋去準備飛禽大咬之際, 佢快過我一手捉我一隻手,然後一手將我推埋牆唔俾我郁。

就係呆左唔知點算時,佢好溫柔咁錫左落黎。



正所謂年少氣盛,男人呀~! 做呀~!   我即時大蛇丸上身,成條脷飛晒出黎回應,打算用我係法國佬到學番黎既本領時 ,佢竟然縮開。

我再伸脷,佢再縮。如是者反覆兩三次後,我終於明佢想點。佢就係要我唔郁!

咁我唯有死魚咁,任佢指揮。

佢先係好溫柔咁蜻蜓點水式錫我個咀,再用鼻擦一擦我個鼻。然後再慢慢含住我個下唇輕輕一下一下咁錫。

只係簡單兩下,已經令我身心投入係果個情緒。我開始模仿佢既輕輕錫佢既上唇,然後我地四片咀唇就非常溫柔地一下一下咁錫。當中佢又會用佢條脷慢慢從左至右好似搽唇膏咁好細力頼我個下唇,又或者細細力咬。



我就好似一舊綿花糖咁,個心慢慢俾佢燒熔左。

佢見我跟到佢既節奏,就鬆開我對手,然後一手抱腰一手托住我後腦,慢慢將條脷伸左入黎。 我亦都試探性咁伸出我條脷出黎

當我地互相掂到果一剎,我好似掂到ET隻手指咁,全身觸電。

佢開始用極緩慢既速度由左到右輕輕掃我條脷,掃下掃下,慢慢變成轉圈 (勁過張三丰),呢個時候我已經按奈不住,開始順住佢節奏逆時針轉我條脷,就係互相探索既過程入面,我地逐漸同步,

然後係某一點,兩條脷神乎其技地融為一體 !

我既慾火呢一刻去到頂點,而且充滿住濃烈既戀愛感,好似味吉洋一食到最好食既鰻魚飯時,全身都有種幸福既感覺。

果一次係過程係近十年one of the best kiss。

過程唔使講,去到呢個地步其實淨係用手都已經可以好HIGH,因為無論身或心已經打開左,。難怪Julie Robert話賣身唔可以kiss,錫得好,原來真係會鍾意左對方。 A good kisser is a good lover 我終於明白點解



當然「慢」係成件事既精髓,但去到高級組我地自然有第二種玩法

再講,嘻嘻
已有 0 人追稿