HEHE 中甜 <做完愛 ．回家>: 三人行(上)

 唔知點解，絕大部份男人，對3P都仲有莫名既好奇。

 係APP識「朋友」(係呀，個個profile 都話looking for friends only， 轉身就想射個三分波) ，輾轉「hi」「how are u」 「what are u looking for」 幾個回合之後，唔知點解最後總會問 「你試過3P未?」。

試過又點，未試過又點呢? you wanna play a game?

當我話試過時，對方就會開始鬼上身咁追問細節，接住就會有意或有意(我無打錯字) 咁問「你會唔會約到」三秒後又會話「都係兩個人好啲..」第二日又問「咁係咪3P」

唉..  男人 .. . 



災難既緣頭通常都唔會察覺自己有問題，所以我唔會怪佢地既， 只係會輕輕block左呢批太多性幻想既朋友。 

搞野唔係超市儲印花換煲，唔係集齊三個人就即刻加倍開心既，有咁易架咩? 你諗下兩個人搞野唔夾都可寫到咁多故仔，三個人唔夾簡直係一場災難。而偏偏多一個，唔夾既潛在風險就幾何級咁提高。 

今日警訊就用小弟既親身例子解說點樣可以預防墮入3P騙局 
___________________________________

 第一: 有無按自己能力需要約人呢? 

當年我有位buddy 叫Netvigator 。有一日呢位buddy 忽然MSG話想約上佢朋友屋企玩3P，時間、地點、人物都安排好晒，就爭我。 雖然咁好服務，我聽到時都係打左個突，反射神經問 「對手打咩位置先? 」 佢答純受，我即有少許猶豫... 



話說呢位buddy既過人之處，同broadband一樣容量大速度快。你知我真係好細食( 掩面) 本來對我黎講，又夠飽、又唔使搞咁耐，真係好PERFECT。 

但而家多一個人，就唔同講法。你大啫，又唔可以切開兩份姐妹對食，咁啫係要爭啦 ! 而且本來得5分鐘係剛剛好，家下變成一人2分半，真係淥杯麵都唔夠喎........... 

佢擺到明就係覺得有兩條友服侍自己好爽歪歪，而絕無諗過我地兩個人既感受啦.  

第二 :  你有無CHECK過你既對手啱唔啱玩呢? 

咁既情況我其實好想拒絕，但話晒Netvigator都係「大客 」，點都要俾番少少account service，再望一望對手張相，「好似」好正 ，佢又拍晒心口話身材好 fit，我最後被佢講到蠢蠢欲動，答應左佢。



我諗唔需要多講都知我犯左咩世界級錯誤。我地直接去片到案發現場 :

上到去一見面我打左個大大大大突，果位人兄個真身同張相，隨左都係男人之外，我搵唔到共通之處 (勉強個2/8面認到係同一個人) 。佢係一個矮小、身材極瘦削(fit 佢老味) 、細眼戴住副眼鏡、一頭曲髮，成個樣介乎陳志雲同林鄭之間既物體，一陣師奶味撲命而來。 點搞呀? 

我望一望阿Net，佢一副「係咪好正呢?」既表情。

好演技 !!!  男人 !!!!  為左3P 佢真豁出去。  

第三 : 你知唔知道3P係三個人互動呢? 

閒談過後，問心林鄭佢個人又真係無乜野都幾nice，但係我真係落唔到手。偏偏佢好似睇中左我咁，一開始就起勢咁搞我。咁我無理由上左人屋企唔俾人搞咁賤既，唯有集中火力係Net到令自己分心。

至於Net?  平時既service全部無晒，只係訓左係到當正自己係皇帝。 



搞到咁既地步，做乜要約3P啫? 分開兩次玩咪得囉 !  (兩次係Net同我/ Net同林鄭)  唔使搞到我家下俾林鄭性騷擾。 

第四 : 你識唔識搞野呀? 走位呀，唔該 !

為左表示我係專業，我決定指揮現場。首先抱住隨時壯烈犠牲既精神，深呼吸一大口氣，然後合埋眼捉住林鄭同佢黎個法式濕吻，等佢聽聽話話，然後指揮佢服侍Net既左邊，我就服侍Net既右邉 

我既Planning 係: 一左一右由nipple 開始掃起，一路落到佢件重型武器時，先一人一個tea bag，再黎個雙嬌含春，緊接住我會扶呀妹妹坐上去騎馬，我就做floater 一時服侍net 既上半身，一時搞呀林鄭，到最後Net轉入直路就出時，就快手幫林鄭打飛機出埋，然後著衫走人。(正路3P個process 當然再長啲，但sorry我真心趕住收工)

 雖然我慘過番工，但聽落係咪好正先? 係咪好想聽日即刻約人玩3P先?

 咁唔該搵個有默契啲既對手。

林鄭只係錫左幾下，就脫離佢既工作崗位無啦啦走過黎從後抱住，猛錫我背 (真係怪我過份美麗) 。OK Fine，我知你好鍾意我，但可唔可以唔好揀個咁詭譎既動作?  我後面好似有隻拉布拉多夾實我咁，一路抱就一路搖令我寸步難行。雖然係咁，因為我係專業，幾辛苦都好，我都堅持掃落Net下面，完成單嬌含春。 

就係呢個時候 Net唔知發乜神經忽然 良心發現唔想做皇帝，走去含阿林鄭。態度OK 但問題係，佢一路enjoy我既service 一路彎腰向前傾咁咁幫人，如是者我就俾Net個肚同下體夾住.. diu 想點啫? 



未夠 

林鄭俾Net含左幾下之後，突然好似哥倫布發現新大陸咁，醒起仲有一個男人。於是佢又撲上去推低阿Net濕吻。

 留意返，我仲係下面做緊野。 

就係咁，我個頭夾左係兩個人既下體之間。佢兩個係上面咀到啪啪聲，而我就係下面就俾人夾到斷氣。搞乜啫 !!??   而且林鄭興奮到佢好似想插爆我後腦咁.... 

其實我都應該良心發現著衫走人。  

第五 : 你既buddy係唔係一個仆街? 

夾左一陣我頂唔順，推開晒所有人自己訓落張床到，然後一手捉住林鄭個頭，要佢幫我含。正當我想捉阿Net過黎 french kiss時，勢估唔到，佢趁頭先兩秒既混亂，已經光速戴好個套，仲趁林鄭趴低幫我吹時，強行進入。 



頂，你成條節瓜咁粗就咁黎，你估人人都係黑洞咩 ! (嗱，我無話我係)  一睇林鄭個款就知佢俾人小得少啦!  邊頂得順

只見林鄭痛到大叫一聲，我差少少就要變太監。睇路呀大佬 ! 原本已經唔大架啦 .........

佢咁急我有啲懷疑佢Hold唔Hold 到2分鐘。於是我決定番去原本plan a，唔使林鄭做野啦，一邊係心入面倒數一邊快手幫佢打飛機。我唔想諗尾得番我同林鄭，帶住矛盾去仆野呀.....

1分鐘... 唔得要快手啲... 2...

 我真係太天真同太傻，2分未到阿Net就忽然「呀~~~~ 」左一聲，跟手打埋個冷震。 

唔．X．係．嘛  ? 真係光纖入屋喎。 

而你最估唔到既地方係，佢休息左兩秒之後，拔出、除套、然後開．始．著．衫 ! 

最後佢只係話  「sorry 趕住番屋企交人，你地慢慢玩」就咁走左......



坦白講，真係未見過咁仆街既人，成個過程我真心嬲到呆X左，唔識做反應。 到有番意識既時候，見到林鄭訓係床到抬高左對腳，中間一朵盛開既菊花，然後用一個「有得X 唔係唔X呀?  袋住先啦」既眼神望住我.......... 

___________________________

 最後兩位受害人都係無炒埋一碟既，而一位受害者仲報警救助。警方係到呼籲各位朋友，騙徒手，層出不窮，小心墮入3P騙局。

 祝各位性福，晚安。