~~電話響起了 ~你要說話了 
~還以為你心裡對我又想念了~
~怎麼你聲音變得冷淡了 
~是你變了 ~是你變了~

 ....電話鈴聲響起。


 我由睡夢中醒過離。




 「…喂....。」半夢半醒嘅我,拎起左部電話接聽。

 「...小欣...早晨呀。」一軍精神奕奕咁。

 「...早呀...一軍。」我繼續用賴皮聲回應。

 「...其實都唔早架啦...小欣,你開門先啦,我喺門口咋。」一軍講。

 「...哦...。」我哦完之後,就好似隻喪屍咁慢慢行出去開門啦。



 「…嘩...小欣你個樣好眼訓喎!!!」一開門,一軍對住我講。

 「...嘻嘻...係咪成隻喪屍咁呢?」我繼續半開合眼講。

 「...er...我未見過咁靚嘅喪屍囉。」一軍講。

 「…吹水...訓到披頭散髮咁,點會靚喎!!!」我講。

 「…我就係鍾意小欣你夠真,唔洗化妝已經夠哂靚啦。」


一軍摸一摸我個頭講。

 「…嘻嘻...口花啦你...,入離坐啦。」我笑笑口講,之後一軍就跟左我入屋啦。

 「…咦...依度好似有啲唔同左咁嘅?」入到屋之後,一軍四圍喺度望緊。

 「…緊係啦,琴晚我大掃除呀,將啲野執返好哂,
你坐陣啦,我去洗面刷牙先。」我一邊行入廁所一邊講。

 到我梳洗完出返離果陣,一軍仲係企左喺度等緊我。

 「…做咩唔坐吓呀!!!」我講。

 「…哦...我頭先坐緊架,啱啱先起身諗住睇吓電視櫃啲相咋喎。」
一軍一邊講一邊行埋去電視櫃。



 「…喂....。」我好緊張咁一邊叫一邊衝埋去一軍度用身體擋住個櫃。

 「...做咩呀?」一軍問我,我依家攬住左一軍。

 「…嘻嘻...冇咩好睇姐,肚餓啦...落街食野啦。」我笑笑口咁邊講邊拉住一軍走,
...我男仔果陣啲相邊比得一軍睇架...,最後一軍比我格硬拉左落樓下商場啦。

「...小欣...乜你真係好肚餓牙?」去到商場,一軍問我。

 「...嘻嘻....係喎,快啲諗吓食咩啦。」我奸笑住講。

 「…咁牙...,既然小欣你咁肚餓嘅,不如去樓上扒房...鋸扒啦。」一軍諗一諗之後答我。

 「...咦...都好喎,好耐冇鋸過扒啦...嘻嘻...去啦...去啦。」我好興奮咁推住一軍上樓上扒房。



 原來已經成三點架啦,上到去因為係下午茶時間,
所以都要等一陣先入到去坐,我地坐左喺張雙人卡位度,
侍應就拎左個餐牌埋離比我地啦。

 …咦...啲下午茶鐵板扒餐都係五十幾蚊咋喎...都ok啦...,但係...食咩好呢...。

 「...小欣想食咩呀?」一軍問我,我又選擇困難症發作啦。

 「...er...我鍾意食牛扒囉...但係雞扒又好似好正喎,
雜扒有腸仔我又想食,但係又冇雞扒喎...點好呀!!!」我叫哂救命咁。

 「...哦...好簡單姐,小欣你叫雜扒,之後我叫份雞扒咪樣樣都有得食囉。」一軍好輕描淡寫咁講。

 「...係喎...,都係一軍你醒。」我好開心咁講,


之後一軍就叫左個侍應埋離落單啦。

而家我唔洗提一軍都識幫我叫檸茶小甜,嘻嘻...真係細心呀。

 十幾分鐘之後,侍應生就捧住兩個熱辣辣嘅鐵板埋離啦。

 「 ...嘩....。」侍應喺我面前倒啲黑椒汁落去塊扒度果陣,
啲煙蒸上離果吓真係嚇左我一跳囉。

之後一軍就份左塊雞扒比我,而我就每樣野都切左啲比一軍。

 「...呼....。」真係熱辣辣呀,差啲就辣嚫個咀添。

 「…好熱架...小欣,小心啲慢慢食啦。」一軍講。



 「...嘻嘻...心急左添。」我笑笑口講。

 「…係呢...uncle幾點返到離呀?」食緊果陣一軍無啦啦問我。

 「…吓....er....er....er....,其實我都唔清楚,不過上次堂姐好似話...四點搭火車,
我諗四點喺福建搭火車最快都要七...八點先到掛。」我諗一諗之後講。

 「...哦...咁到時你堂姐果啲應該都放哂工返哂離啦,
咁多人喺度撐你...應該冇問題嘅...。」一軍講。

 「…唉...希望啦。」我嘆一嘆氣講。

 食完之後呢,我同一軍繼續行吓商場,行吓行吓,
一軍帶左我去冒險樂園囉。

 「...小欣...入去玩吓囉。」喺門口果陣一軍講。

 「…吓...。」我吓左一下。

 「...玩吓...放鬆吓...個人會開心啲冇咁緊張架...。」一軍一邊講一邊拖左我入去。

 「…哦..。」

 就係咁...我地就入左去,我地玩左有張枱企喺兩邊推推推果部機啦,
之後又一齊射一部籃球機喎,我同一軍兩個出盡(洪荒之力)都比隔離個細路仔收皮囉...
都唔知佢練左幾耐呀...隻手好似唔洗停咁...係咁推個波上去...諗起佢個樣好似抽筋咁就好笑。

之後一軍仲買左枝綿花糖比我食添....,
玩完一輪之後個人真係開心左好多呀。

 之後一軍同我一齊返左屋企,因為頭先食啲牛扒生生地嘅關係,
而家有小小搞肚痛添...真係...尷尬啦。

 「…小欣...你冇咩事吖嘛,塊面青青地咁嘅?」返到入屋之後一軍問我。

 「…er...嘻嘻...有小小肚痛姐,一軍你唔洗理我架...坐吓先啦,
我去一去廁所先。」講完之後,我就一枝箭衝左入廁所啦...。

唉...咁核突嘅野...同一軍講...硬係好尷尬咁...,
不過都冇計啦,唔同女神唔痾屎架咩...。

 最後我坐左喺廁所成廿分鐘囉,嘻嘻...釋放哂出離成個人都爽哂呀。

我搞完一輪之後出返離,一軍已經坐左喺梳化度睇緊電視啦。

 「…睇緊咩呀...。」我坐左埋去一軍隔離講。

 「…原來小欣你有裝now架...?...正喎...好多戲可以睇呀!!!」一軍一手拎住個遙控一邊講。

 「...er....嘻嘻...都係架。」我笑笑口回答,之後一軍繼續撳遙控。

 「…咦...依幾個台鎖左嘅...咩台離架?」死啦...一軍又撳左去果幾個鎖左嘅成人台度啦。

 「…吓...er....我唔知喎。」都唔知點答佢好,扮唔知算數啦。

 「…哦...睇吓先。」一軍繼續撳緊,但係一軍冇密碼又點撳到吖。

 「...吖...吖....意打意。」咦...喂....點解一軍會知密碼嘅...?...
依家個畫面彈左套av片出離囉....點解會咁架。