~「...吓...哦...。」肥恆一聽到我話沖涼,即刻口都震埋,
面紅紅咁應我,之後我就拎住件衫同毛巾行左入去浴室啦。

 ~…滴…。~


 ~...滴嗒...。~

 ~…沙....沙....。~




 吖....好舒服呀...,搞左成晚...而家沖返個涼個人都精神返...。

 「...噗....嗚...。」但係當個人精神過後,
我又諗返起一軍同alice啦,眼淚又開始流下...。

 「...小欣...你冇事吖嘛。」肥恆應該聽到我喊...,所以問我。

 「...嗚...嗚....都話唔準偷睇囉。」我一邊喊一邊講,之後冇理到肥恆繼續痛哭。



 而肥恆呢...,我冇擰轉頭望過佢呀,淨係知佢粒聲都冇出,
但係有冇偷睇我呢...,我就理唔到咁多啦。

 過左幾分鐘之後,出面突然傳離敲門聲喎。

 ~...咯咯....。~


 我靜左落離,聽真啲係咩聲。



 ~...咯咯....。~

 「…喂...差人查房,開門!!!」門口出面傳離一把好惡嘅男人聲,
吓...唔係咁大獲掛...差人查房???

 ~...啪啪...。~敲門聲越離越大。

 我即刻用毛巾抺返乾個身,著返好衫褲行返出去,
而肥恆見到我出離,就順勢開門比差人入離。

 「…做咩咁耐都唔開門呀,聽唔到差人查房咩!!!」
一開門就有個好惡嘅男人行左入離,應該係警察,而家不停咁鬧緊肥恆。

 「...唔...唔好意思呀...阿sir,訓著左聽唔到...。」肥恆dup哂頭死哂狗咁講。



 「…訓左...???咪玩啦...條女個頭濕哂,擺明啱啱搞完野沖涼啦...。」
惡警察繼續小肥恆,而我就戇居居咁企左喺度。

 「…唔好講咁多身份證。」惡警察講,
之後肥恆就喺件風褸度拎左個銀包出離遞左張身份證比個阿sir啦。

 「...小姐...你呢?」警察拎完肥恆張証之後望一望我講。

 「…吓....er...。」死啦,頭先衝左出街...好似冇拎到銀包添...。

 「...er...好似唔記得帶呀。」我作狀搵左一陣之後口窒窒咁講。

 「...吓...咁你兩個唔洗走啦,一陣跟我地返差館,
妹妹睇你個樣好似未夠秤喎...援交牙?」警察串串地咁問。



 「…咩呀...我地係朋友離架。」我嬲嬲地咁講。

 「...即係友誼波啦,喂...肥仔...你知唔知衰十一好大獲架。」
警察對住我講完之後就轉而小...肥恆。

 「...喂...阿sir...,你唔好亂講野喎,我地咩都冇做過囉。」
我好激動咁講...,最憎人屈我架啦...真係嬲嬲地囉。

 「…你...你兩個坐低等一陣啦。」警察唔知點應我好,呆左一呆之後就出返去啦。

 而家我同肥恆兩個呆坐左喺間房度,你眼望我眼咁...,
對住肥恆都唔知好嬲定好笑啦...。

過左幾個字之後,個警察行返入離。



 「…你兩個...跟我地返去,小姐如果你有身份証架呢,
而家好打定電話叫你屋企人拎離差館接你啦,
而肥仔你呢...如果一陣證實左條女係唔夠秤呢,
我地有可能會告你與未成年少女發生性行為...你清唔清楚?」警察詳細講解。

 「...喂...我咪講左我地咩都冇做過囉!!!」我再一次好激動咁講。

 「...你唔洗同我解釋,我地會安排你去驗身,到時咩都一清二楚。」
警察講完之後就帶左肥恆行返出去,之後就有個女警行左入離...帶左我出去一齊上警車返差館啦。

 喺車上面我即時打左比姐夫,姐夫問完我詳情之後就拍哂心口話幫我搞掂佢喎,
聽到佢咁有信心,我個心都定返啲。警車好快就返到差館,
我地好似上次同一軍咁比佢地帶到去一間大房度坐低等啦。

 等左幾個字之後,姐夫終於都離左啦。



佢直行直過咁行左入離大房,望到我之後就走左埋離啦。

 「…咦...冼sir,離搵大sir飲茶牙?」有個好似喺依度阿頭嘅阿sir笑笑口咁問姐夫。

 「...哦...唔係,離接返個妹返屋企咋嘛,個衰妹囉...好鬼大懵架...
出街成日都唔記得帶銀包嘅。」姐夫輕描淡寫咁講。

 「…哦...原來係冼sir個妹,小問題...er...夠秤架呵?」阿sir繼續笑笑口咁問姐夫。

 「...哦...夠...緊係夠啦。」姐夫拍哂心口咁講,
之後等佢地吹左陣水,阿sir就比姐夫佢帶我地走啦。

 出到街之後,我叫肥恆走先,而我就跟左姐夫車返屋企啦。

 「…子欣...今次又搞邊科呀你...你唔係有個大隻仔架啦咩...
點解又多件肥仔嘅?」喺車上面姐夫問我。

 「…姐夫呀...信我啦,我同肥恆咩都冇做過架...,件事一匹布咁長架...
我搵日得閒先解釋你聽啦...。」我用哀求嘅語氣答姐夫,希望姐夫可以信我。

 「…唉...子欣你講我緊信架,不過想問過清楚問過明白姐,
咁就等你心情好啲先講我聽啦吓。」姐夫邊揸車邊講。

 「…多謝你呀...姐夫。」我講。

 「...ok啦...。」姐夫答完之後就繼續專心揸車,而我就恰左一陣,
唔知過左幾耐之後,我醒返望出窗外,已經差唔多返到屋企啦,
....因為只係朝早七點幾,所以街上嘅路人都比較疏落...。

 咦...我突然留意到一對男女,一個好熟悉嘅背影...,好高...而且...身形健碩...,
到我地部車經過佢地果陣,我先見到...原...原來係一軍同alice....,
點...點解會咁架...,而家alice翹住左一軍隻手...好開心咁行緊...。

 「…姐夫...。」我叫。

 「…吓...咩呀?」姐夫呆左一呆。

 「...停車呀!!!」我好緊張咁大叫。

 ~…嚓......~姐夫比我嘅大叫嚇到急剎左部車,
車都未停定...我就開車門跳左出去啦。

 「…喂...去邊呀???」姐夫喺車入面叫返出離問我。

 「…你返去先啦...姐夫,我忽然有啲野要買呀。」我講。

 「...咁你自己小心啲啦。」姐夫講。

 「…嗯...。」我嗯完之後,姐夫就開車走左啦,
而我就企定喺度等緊行緊前離嘅一軍同alice。

等待真係漫長...,我而家嘅心情就好似殺人犯等緊法官宣讀判詞咁,
緊張得離又帶點唏嘘....,半分鐘之後,終於都見到佢兩個啦,
離遠見到alice嘅表情繼續開心,而一軍就目無表情...,我硬係覺得一軍係被迫囉。

 再過左半分鐘,我地嘅距離只有大約五十米左右,一軍終於都留意到我啦,
而家企左喺度呆左咁望住我,而alice亦都發現左我...而家用輕佻嘅眼神望住我,好似鄙視緊我咁。