~我地一邊睇戲一邊食齋,食到零辰兩點左右,一軍就走左啦。

而我呢...,幫老豆執好啲野之後,就極速沖涼訓覺啦。

 之後年初一,我就跟左老豆去姑姐度拜年,
嘻嘻...好順利呀...姑姐一啲都冇懷疑,當正我就係子仁細妹咁....。

 年初二,我同老豆就去左表妹屋企拜年,阿姨好開心呀...,
煮定哂好多野食喺度等我地,我仲叫埋一軍...kimmy同泳琳佢地一齊離玩添...,
嘻嘻...表妹話過年點可以唔打牌喎,所以我地四個女仔就開左枱啦,


而一軍呢...就悶悶地咁,好彩表妹屋企有ps4姐,一軍可以自己打吓,
而且老豆仲不時捉住一軍傾計,好似想了解一軍多啲咁。

夜晚喺表妹度食埋晚飯,我地就各散東西啦。

 年初三,因為我已經冇親戚喺香港嘅關係,所以去左一軍屋企拜年,
去到一軍屋企果陣,uncle已經煎好哂啲年糕同蘿蔔糕招呼我地啦,
連阿成都喺度...我地食完野之後呢,
阿成就車左我地一家人去左大埔林村許願樹度行過大運啦。



 有時我覺得自己好衰囉,覺得同一軍佢地一家人一齊好似warm啲開心啲咁嘅...,
唔通真係女生外向???

 到左夜晚...阿成一如以往咁帶住我地去食好西,
食完之後一軍就送左我返屋企啦。

 之後幾日,除左有一日我去左泳琳屋企拜年之外,
多數時間我都係痴住一軍度過,有一日我仲陪一軍去左阿亮屋企同佢啲朋友開年添...,
開頭真係悶到抽筋架,好彩有檸檬陪我,到最後我同一軍啲friend都開始熟絡,
嘻嘻...起馬分到邊個打邊個先啦....。



依個新年係我人生中過得最快樂嘅新年...,年假好快已經放完,
我地都要收拾心情去面對跟住落離嘅(籃球精英賽)啦。

 日子繼續咁過,我同泳琳如常一齊返學有講有笑,
而kimmy同表妹兩個就繼續喺學校大放笑彈...咁嘅生活真係快活過神仙呀。

比賽方面,我地籃球隊勢如破竹咁...過完一關又一關,最後除左第一場之外,
我地以全勝姿態殺到入去決賽,終於都可以再一次挑戰衛冕嘅四界冠軍...香港女籃嘅王者,
(神之隊)擁有三名港青球員嘅(協思中學)女子籃球隊啦。

聽講(協思中學)女子隊喺九龍區d1嘅比賽已經係連續二十年嘅冠軍離架啦,
聽講佢地仲試過輕取一啲二線學校嘅男子隊添....諗起都恐怖...,
但係到底有幾勁呢...就真係打過至知...。



 今日係二零一七年二月十四日星期二,係我地女子學界精英賽決賽嘅大日子,
比賽時間係放學之後嘅...下午五點鐘舉行,地點係對我地有主場之利嘅嘅灣仔修頓。

今日一早,我就如常咁同泳琳一齊返學,一返到課室...
就已經見到表妹同kimmy佢地好緊張咁整理緊今日比賽用嘅波衫同波鞋,
見到佢地嘅表情就連我自己都即時緊張埋...。

 「...早晨呀...阿嫂...泳琳。」

 「...早晨呀...表姐..。」kimmy同表妹見到我地就即刻同我地打招呼。

 「…早呀。」我回應。

 「…阿嫂...你帶齊野未呀?」返埋位之後呢,
kimmy就繼續好緊張咁喺我側邊係咁問野...。



 「...唔洗咁緊張喎,帶哂啦。」我答。

 「...吖...好驚呀...琴晚成晚都訓得唔好呀...救命呀!!!」
kimmy好似有啲神經衰弱咁添。

 「...放鬆啲...當平時咁打咪得囉。」我答。

 「…唔得架...卜sir好緊張依場比賽架,而且檸檬嘅夢想就係打敗神之隊攞返失去嘅野...,
我...我唔想做千古罪人呀!!!」kimmy繼續手舞足蹈咁喺度大叫,
估唔到平時成日笑嘅kimmy都會咁...。

「…洗唔洗咁誇呀...倪金兒。」而表妹就輕鬆得多啦,
可能佢遇左自己應該冇咩出場機會所以反而冇壓力啦,
但係身為正選小前鋒嘅kimmy就變得責無旁貸啦,


而我呢...就覺得盡左力對得自己對得人就可以啦,所以都係冇咩壓力。

 上午我地如常上課,kimmy就成朝都坐立不安咁...,
到左中午我地join埋一軍去左學校附近嘅西餐廳度到晏,
食緊果陣大家都冇咩點講野呀,因為真係越離越緊張,
所以好快食完之後呢,我地就返左學校休息啦。

上堂鐘聲好快就響起,我地大家收拾好心情準備上路啦。

因為跟住落離係班主任課,所以miss wong好快就已經離到。

 「...Good afternoon, class.」

 「Good afternoon, miss wong.」



 「...好啦...咁多位同學,今日呢...係學界精英籃球賽決賽嘅日子,
就喺放學之後嘅...幾點鐘話?」miss wong講講吓唔記得左,所以而家望住kimmy。

 「...五點...修頓呀miss wong。」kimmy講。

 「...係呀...大家聽到啦,有時間就去同我地學校嘅女子籃球隊打吓氣啦,我相信有咁多女子睇,
各位男同學都應該好踴躍嘅...,而我地班就有幾位同學係女子隊員喎,倪金兒同學...
周子欣同學,仲有伍家蔚同學,大家比啲掌聲佢地啦。」miss wong講到最尾就開始帶頭拍手啦。

 「…啪...啪.…wu...啪...啪。」而家全班都歡呼起鬨緊。

 「...好啦...好啦,咁呢...幾位球員而家呢,就會早小小走,去準備一陣嘅比賽嘅,
咁你地而家可以走架啦,卜sir喺籃球場度等緊你地。」miss wong望住kimmy同我講。

 「…哦...唔該miss wong,行啦...阿嫂...家蔚。」kimmy答完miss wong之後就同我地打一打眼色,
於是我地就執好哂我地啲野戰戰兢兢咁走左上籃球場啦。

 上到籃球場,檸檬...小田同小美已經到左,卜sir呢...就仲喺體育室入面整理緊啲文件,
而助教程sir就揪住一袋二袋咁...啱啱喺體育用具房度行左出離。

 「...好啦...好啦...,大家換左波衫先,一陣我地會喺依度做一啲戰術練習,
之後就會帶大家去修頓場館入面熟習場地。」程sir講完之後就行左入體育室啦。

於是我地就入哂更衣室度換衫啦。

 我地所有人換完哂衫之後,卜sir同程sir已經喺體育室行左出離,
而家企左喺場中間度幫我地點緊名啦。

 「...好啦...換好衫嘅就快啲過離。」程sir望一望更衣室門口嘅我地講,
我地即刻跑住咁過去企定定啦。

 卜sir繼續點名,到所有人都離齊哂之後呢,卜sir就開始發表講話。

 「...好啦...所有隊員都離齊哂啦嘛?...幾個鐘頭之後,學界精英賽嘅決賽,
今日終於都要上演,將會係一場香港女籃歷史以離,最強嘅比賽。

女籃依兩個字,依家對我地有重新嘅意思,我地要拋開我地之間無謂嘅分歧,
同心合力對付共同嘅敵人,我地再一次為我地嘅尊嚴而戰,
我地為我地可以繼續喺籃壇生存落去嘅權利而戰,今日我地打贏嘅話,咁二月十四日依一個日子,
以後就再唔只係情人節咁簡單,而係標記住我地全校人喺依一日一齊高呼,我地唔會就咁樣屈服...,
我地會為我地喺籃壇嘅生存反抗到底...,我地會打贏依一場仗...,我地會喺籃壇生存落去...。
....今日.......我地就要...慶祝我地嘅.....勝利日。」卜sir越講越激動...講到最尾直頭大叫左出離。


~...啪...啪...。~


「~...呼...啪啪......好.......呼...。~」


大家亦都係一樣歡呼大叫,由其事檸檬同小田佢地,
受左兩年嘅屈辱...佢地而家個樣都咬牙切齒咁。

 「…好啦...我地出發啦!!!」喺卜sir嘅一聲令下,
我地全部人就跟住卜sir後面一個跟一個咁離開學校,準備去戰鬥啦。