~「...我個位好多野好逼呀,小欣...你同泳琳坐啦。」
一軍見到我唔知點算咁,所以開口講。

之後我就坐左埋泳琳度啦。

搭車期間可能泳琳見到一軍喺度啦,動作相對避忌,
冇用手翹住我亦都冇將個頭挨埋離,只係稍為拖住左我隻手姐。

巴士好快就去到我屋企樓下,因為一軍幫我拎野返屋企嘅關係,
所以泳琳好唔開心咁自己返左屋企,而一軍就同我上左我屋企啦。


 因為泳琳屋企唔係同我搭同一部𨋢,
所以一入到𨋢我就已經忍唔住攬住左一軍啦。

 「...一軍。」我攬住一軍講。

「…小欣..。」一軍因為兩隻手已經揪住左我嘅戰利品,
所以冇手攬我。

 我地就由入𨋢攬到出𨋢,一軍幫我將啲戰利品拎左入屋,
之後就喺我屋企坐左一陣,我地兩個坐左喺梳化度,好sweet咁攬住睇電視。



 
~燈光熄滅了 ~ 音樂靜止了~ 滴下的眼淚已停不住了
 ~天下起雨了 ~人是不快樂 ~我的心真的受傷了~

 電話響起...,係...泳琳打比我。

 「...喂....泳琳。」我口窒窒咁講。

 「...小欣...,一軍走左未呀?」泳琳問我。



 「...er....走...走左啦。」我繼續口窒。

 「…不如離我屋企食飯吖...。」泳琳細細聲講。

 「…吓...er...唔好啦,我有啲頭痛呀...想早啲訓。」我有小小緊張咁講。

 「...咁牙...,一係我落離陪你吖。」泳琳講。

 「...唔...唔洗啦,我上床訓架啦,你都早啲休息啦...哈哈。」我講。

 「...咁好啦...,㗑㗑小欣。」泳琳好冇引咁收左線。

 「…呼....。」



 「...泳琳搵你?」一軍問。

 「…嗯...。」我繼續攬住一軍。

 「…其實如果小欣你想去陪泳琳嘅話,我唔會阻止架喎。」一軍攬住我講。

 「…er...我想陪一軍你多啲...嘻嘻。」我傻笑咁答一軍。

 「...傻妹....。」一軍摸住我個頭講。

 「但係泳琳可能會懷疑你架喎,到時比佢發現就更麻煩啦。」一軍繼續講。

 「...er...我都知..,見步行步囉。」我好擔心咁講。

之後我同一軍喺屋企叫外賣返離食,費是落街會比泳琳撞到,


食完之後一軍就自己走左啦。

之後幾日聖誕假期,我都同泳琳一齊過,但係呢....夜晚泳琳走左之後,
一軍就會偷偷地離我屋企同我二人世界啦...嘻嘻,就連除夕晚都唔例外...
一軍亦都有離我屋企同我倒數度過,就好似偷情咁...。

我開始覺得泳琳好可憐...我覺到我唔應該再呃住佢,
但係要我親口同泳琳講分手...我又做唔到喎...,
我唔知泳琳...受唔受到剌激....我好驚佢會做傻事....,
所以我繼續拖延....我根本就唔敢輕舉妄動....。

日子繼續咁過,聖誕假期好快就完結左,2017年亦都已經離到,
我如常每日都同泳琳一齊返學,食lunch果陣就同埋kimmy,表妹佢地一齊食,
kimmy照常叫我做阿嫂,但係因為佢一向都係叫我阿嫂,所以泳琳都不以為然。



雖然基本上,學校入面識我地嘅人都認為我同一軍已經係一對好耐,
但係我同一軍喺學校都會保持低調。

今日放學要練波,所以泳琳會自己返屋企先,但係其實有時唔洗練波,
我都會呃泳琳話要練波,其實就同一軍去左二人世界。

我好享受我地兩個人嘅時光,所以今日練波亦都唔例外,
因為泳琳已經返左屋企,所以練波果陣我會變得對一軍熱情,
練到一半我坐喺場邊休息果陣。

 「...吁....呼....,子欣牙,你同一軍感情穩唔穩定呀?」檸檬冇啦啦問我。

 「…呼....吓...穩...穩定呀,點解咁問?」我有啲驚訝咁問檸檬。

 「…冇呀...唔知點解平時喺學校裡面都唔多見你兩個會一齊嘅,


有時我同阿亮,一軍經過見到你果陣,你又好似對一軍好冷淡咁喎,
連阿亮都話放假果陣都好似唔多見一軍要陪你咁,
但係頭先見到你同一軍又有講有笑翹哂手咁喎...,所以唔係好明姐。」檸檬好疑惑咁問我。

 「…er....係因為喺學校返緊學果陣我想低調啲姐...哈哈...,你知啦...比阿sir,
miss知道此終唔係幾好吖嘛。」我口窒窒咁答。

 「...哦...咁我就放心啦,你知啦,阿亮同一軍咁好兄弟,
都好擔心架嘛,所以咪叫我了解吓囉。」檸檬講。

 「...嘻嘻...明白,咁你同阿亮又點呀?」我反問檸檬。

 「...er...我同阿亮嘅感情已經唔需要多講架啦,一個表情或者一個眼神,
我地已經知道對方想要咩...個心到底諗緊咩...。」檸檬好有自信咁講。

 「...嘩....咁勁...。」我講。

 「…係...!我地已經有我地嘅目標,畢左業之後,如果入到大學我地就會讀完大學之後結婚,
如果入唔到大學,二十歲左右,我地就會結婚,而且我同阿亮都好鍾意小朋友,
所以會生好多恐龍仔...嘻嘻。」檸檬一路講一路忍唔住開心到笑左出離。

 「...吓...恐龍仔?」我問。

 「...哦....唔好意思,因為阿亮全名叫孔亮...所以我地會稱呼第時啲仔做恐龍仔嘅...嘻嘻。」檸檬笑笑口咁講。

嘩...檸檬咁快就諗定第時生仔架啦,
聽講生仔好痛架喎....唔知...我...頂唔頂得順呢...。

 「...嘜...原來阿亮叫孔亮架?....我都唔知添...佢唔會有個阿哥叫孔明掛....哈哈...。」
對唔住我又搞左個爛gag添。

 「...咁又冇...,佢係獨生子離架。」估唔到檸檬咁鬼認真,
完全冇理過我個爛gag。

 傾到依度,我地就要落場繼續練波,
練完波之後我就同一軍一齊走。

我地拖住手咁慢慢行返我屋企。

 「...一軍牙...,你會唔會介意我地而家咁嘅情況架?」行緊果陣,我細細聲問一軍。

 「...唔會呀,點解咁問嘅小欣?」一軍答我。

 「...冇呀,要你偷偷摸摸咁,我覺得好委屈你呀...對唔住呀...一軍。」
我攬住左一軍抬高頭眼濕濕咁同一軍講。

 「...傻妹...,只要有小欣你,我再委屈又有咩所謂呢。」
一軍攬住我條腰,講完之後就錫左我一啖。

 我同一軍又去左大快樂食一哥火煱呀,我好珍惜同一軍一齊嘅時光,
但係歡樂嘅時光永遠係過得特別快...,短短兩個鐘嘅晚飯時間轉眼就過...。

雖然之後一軍都有送我返屋企,
但係我都真係好依依不捨。

沖完涼之後,我招牌動作攤左喺床度開始思索,我思想掙扎左好耐...,
一方面好想同一軍可以光明正大,唔想佢無名無份,一方面我又唔想泳琳唔開心,
諗左成晚我都仲係搵唔到一個兩全其美嘅方法,到底我要點做好呀?

 到第二日返學,食lunch果陣。

 「...請柬?」我問,而家阿成每人都派左一張寫住請柬嘅野比我地。

 「...咩離架...?」表妹問阿成。

 「…嘻嘻...今個星期六呢,係小弟生日呀...,想請大家出席小弟嘅生日派對呀....,
希望大家可以賞面出席啦。」阿成口震震咁講。

 「...生日派對?....哈哈...文藝片咩....阿成講野真係好鬼死搞笑架....。」
表妹好似串緊阿成講派對而唔係party咁。

 「...er....哈哈。」阿成以笑遮醜。

 「…伍...家...蔚...。」kimmy而家瞇起左對眼睥住表妹。

 「...哈哈...,講笑講笑...,唔講邊有得笑呢....阿成咁大方...唔會嬲我嘅....呵。」
表妹拍一拍阿成膊頭笑笑口咁講。

 「...哈哈....點...點...會呢。」阿成笑得好尷尬囉。

 「...係呢...有咩玩架?」表妹再問。

 「…er....果日我媽咪會請廚師喺我屋企現場烹調各國美食啦,
仲請左一兩個歌手離唱歌,吖...仲請左魔術師離表演魔術添呀...。」
洗唔洗玩到咁大呀....魔術師都算啦,玩到請歌手?...阿成老豆到底係咩人離架。

 「…拿...欣姐,幫我比埋一軍哥吖...唔該。」阿成而家再遞多張請柬比我。

 「...吓...er....好...好吖。」我伸手接左張請柬。

希望泳琳唔會嬲啦,此終唔係我主動要幫,
泳琳應該唔會覺到有問題掛。

 到放學果陣,我如常同泳琳一齊行返屋企。

 「…小欣牙...,做咩要幫阿成拎比一軍姐,你地又唔係真係情侶。」泳琳有啲抱怨咁講。

 「…er....哈哈...咁佢地以為係吖嘛...,我又唔識推喎...。」我笑笑口咁答。

 「...阿成又係嘅...比kimmy咪得囉,無啦啦又要燒埋你果壘。」泳琳繼續咒怨,
諗諗吓又係喎,kimmy同一軍一齊住,理論上比kimmy咪仲方便,
但係可能阿成係好講禮儀果啲人啦,所以覺得比我合適啲掛...,
又有可能係kimmy叫佢咁做...點都好啦,我又有個借口去搵一軍啦...yeah。