天使原來是男生（舊名：魯莽天使）[小甜][變身][男變女][籃球]: 61
~~啪....~
說時遲那時快，堂姐突然跑左埋離一巴打左落一軍塊面度。
「...你個衰人...到底對子欣做過啲咩?」堂姐而家好激動咁。
「…堂姐...唔係呀....唔關佢事架。」我即刻衝左埋去攬開左堂姐，
而一軍就默默咁企左喺度粒聲唔出。
「....嗚...子欣...，你嚇死家姐啦。」堂姐攬住左我喊。
「…對...唔...住呀...堂姐。」我口窒窒咁講。
「...點解咁睇唔開姐，如果唔係家蔚佢話比我知你為情自殺，
我仲係咩都唔知囉，個衰仔係咪對你做左啲咩衰野呀。」堂姐繼續講。
「...唔係佢呀....係....泳琳。」我口窒窒咁講。
「…痛唔痛呀...一軍。」之後我行左埋去一軍度摸一摸佢塊面。
「…冇...冇事喎...小欣。」一軍繼續微笑。
之後我就將成件事嘅來龍去脈一五一十咁講哂比堂姐知啦。
「…吓...er...子欣你過離先吖。」堂姐鬼鬼鼠鼠咁叫左我埋去。
「...你係話果條死仔知道左你原本係男仔?」
堂姐用手遮住個口細細聲咁喺我耳邊講。
「...嗯...。」我點一點頭。
「...咁佢...都唔介意?」堂姐繼續講。
「...嗯....。」我繼續點頭。
「......。」堂姐依家好似好驚訝咁嘅樣，呆左喺度幾秒。
「...喂....你對小欣係咪認真架?」之後堂姐大大聲咁同一軍講。
「...吓...係...係呀...，我對小欣係一條心架。」
一軍比堂姐嚇到窒左一窒，之後好堅定咁答堂姐。
「...真係唔介意小欣嘅....。」堂姐睜一睜大對眼打一打眼色講。
「…冇錯...小欣嘅過去我唔會介意，亦都唔會過問，
我喺真心鍾意小欣架，請家姐你交小欣比我啦，
我會好好咁照顧佢架啦。」一軍鞠哂躬咁，唔知仲以為佢提緊親添呀。
「.......。」我o左咀。
「...er.....。」連堂姐都係一樣，可能都覺得一軍真係誇張得濟掛。
「…子欣...你男友....洗唔洗咁誇呀?」堂姐望一望我講。
「…嘻嘻...我同一軍真係真心相愛架堂姐。」我而家攬住一軍比堂姐睇。
「…唉...女大女世界啦，只要子欣你以後唔好再做傻事就得啦...
堂姐都唔再煩你啦...。」堂姐好感嘆咁講。
「...嘻嘻...多謝堂姐。」我而家笑笑口咁翹返住堂姐。
「…唉...生女吖...生女吖。」堂姐繼續講，喂...堂姐...好似唔係你生我出離架喎。
「...出去食飯啦，姐夫喺樓下元氣攞左位。」堂姐講。
「...哦...。」我答。
「…吖...邊個邊個。」堂姐指一指仲企喺度戇居居嘅一軍。
「...吓..?」一軍好緊張咁答。
「...佢叫一軍囉....堂姐。」我睥一睥堂姐講。
「…是但啦，一齊離食啦。」堂姐講。
「...吓...哦...係嘅堂姐。」一軍繼續緊張。
之後我地就跟左堂姐落街啦，一軍而家好緊張呀，
鬼咩...一聽到話姐夫喺度，仲唔腳都震埋咩。
一去到元氣，姐夫已經拎左張枱坐左喺度啦。
我地幾個好快就坐左埋去啦。
「…咦...喂....你咪果個飛仔?」姐夫好疑惑咁問。
「...人地叫一軍喎，係子欣男朋友。」堂姐同姐夫講。
「...吓...真係一齊左牙?」姐夫好驚訝咁。
「...er...姐夫...你好。」一軍企左起身同姐夫打招呼。
「...哦...你...你好。」姐夫好疑惑咁望一望堂姐，再望住一軍講。
「…唔洗望啦...佢咩都知道哂架啦。」堂姐繼續講。
「…吓...咁...咁都唔介意?」姐夫繼續驚訝。
「.....係...係呀...姐夫。」一軍口窒窒咁講。
「...利害...利害。」姐夫喺度拍手囉...咩意思喎。
「...喂...姐夫你咩意思喎。」我扮嬲咁話姐夫。
「…哈哈...我欣賞你男朋友仔姐...，咦...子欣又靚女左喎。」
姐夫嘻皮笑臉咁，之後又轉移話題囉。
「…邊...邊度靚喎...。」比姐夫咁講一講，搞到我面都紅埋添。
「…好得呀...係咪呀...男朋友仔?」姐夫繼續口花花，仲同一軍打哂眼色咁。
「...吓...er...係呀係呀...姐夫..。」一軍差啲gag唔到姐夫意思。
「…喂...傾完未呀，傾飽啦...唔洗食野啦。」堂姐有啲呷醋咁。
「...哈哈...都係老婆你最靚，正所謂~香港 ~靚女得一個~。」
姐夫即刻搭返住堂姐膊頭喺度唱張繼聰首歌囉，之後我地就開始攞野食啦。
「…拿...小欣，生蠔壽司呀。」一軍好快就喺回轉帶上面拎左碟生蠔壽司比我。
「...唔...唔該。」家姐，姐夫喺度我緊係要扮矜持啦。
「...咦...有做功課喎，知道子欣鍾意食蠔。」堂姐邊食邊講。
「…係...係呀。」一軍講。
「…吖...係啦...子欣，唔記得話你知添，
早兩日大伯打過離比我呀。」食食吓，堂姐突然醒起。
「...吓...老豆.l!!!」我差啲噴飯。
「…係呀...佢話打比你唔通，可能當時你昏迷緊冇開電話啦，佢問我你咩事，
我當時都唔知呀，咪是但話你去左學校旅行囉。」堂姐邊諗邊講。
「...哦....。」我哦左一哦。
「…仲有....，大伯話年廿八返離同我地食團年飯呀，
你最好有心理準備諗定點同你老豆講啦。」堂姐講。
「…吓....年廿八咪今個星期日，咁快.!!!」我嚇到面都青埋。
「…係。」堂姐點一點頭。
「...點算喎。」我dup低頭細細聲講。
「...放心啦...堂姐會陪你面對既，如果到時大伯唔要你嘅話...堂姐養你。」堂姐拍一拍心口講。
「…堂...姐...。」好感動呀...可能依啲就叫做姐妹情深啦。
食完飯之後，家姐佢地就走左，
而一軍就緊係送埋我返屋企先啦，去到門口果陣。
「...㗑㗑啦...一軍。」我依依不捨咁。
「……小欣牙...唔洗驚喎，我一定會幫你諗個最好嘅方法去同uncle解釋嘅...。」
一軍見到我仲係悶悶不樂咁，攬住我條腰講。
「...嗯...。」我點頭。
「…好啦...聽日放學見啦 。」一軍錫左我一啖之後就走左啦。
之後我就返左入去沖涼啦，咁耐冇返過屋企緊係沖返夠本啦，
所以我最終係差唔多沖左成個鐘嘅，連埋護膚吹頭，搞左個半鐘咁濟。
搞掂哂之後，我招牌動作灘左落床。
都係自己張床最舒服，我大字形咁訓喺度諗野，
唉....依幾個月離真係發生左好多事呀，變左女仔...
轉左學校...換左情人....仲識到一班好朋友添....。
而家老豆終於都返離啦，過埋依關我就可以堂堂正正咁成為周子欣啦。
諗吓...諗吓...我又訓著左.....Z.....Z......Z。