［回憶］［校園］一個信息改變左我嘅中學生活: 續（十七）懸念

你覺得你有能力可以養得起一個有錢女咩？
你覺得由校服去到婚紗真係咁容易？你會唔會太睇得起自己啊？哈哈哈⋯⋯
我望住面前漆黑嘅環境，先發覺只係一場夢，但係呢個夢唔單止可以附上一把貼切嘅聲音，仲令我造成左好多嘅矛盾，大大咁動搖左我嘅自信。
我睇左一眼訓著左嘅阿心，我增添左好多嘅煩惱。自己只係一個普通大學生就想養人？絕望嘅聲音又係我耳邊重播。
我坐左係書枱面前，困惑咁計劃自己嘅未來。假如我唔去打工，阿媽又點樣養多一個呢；如果我去左打工咪好難平衡時間？好多嘅迷團係我個腦海徘徊。
我煩到成個頭訓左係枱上面，但係都毫無頭緒。即使我可以包得起阿心嘅食住，但係大學嘅學費仲有其他費用呢？又一個問題萌生左係我個腦。
正當我頭痛點樣解決嘅時候，我見到枱面上面有一張嘅卡片，上面寫住—收大量學徒，包兩餐。
我靈光一閃，假如我放棄自己嘅大學學位，去做一份工黎養阿心又可唔可行？但係又會唔會因為咁而關係生疏而分手呢？而我嘅前途又應唔應該咁樣葬身呢？
其實今次嘅逞英雄，到低值唔值得呢，我係咪應該將阿心送返去佢阿爸到呢？我自言自語咁講。