［回憶］［校園］一個信息改變左我嘅中學生活: 續（十九）意外

我處於一個兩難嘅狀態之下，仲要比我阿媽係房入面見到阿心。我同阿心對望左一眼，阿心就立即同我阿媽打左個招呼，黎幫我解決呢個困境。
但係我阿媽反而無比任何反應阿心，只係突然之間隻眼好似裝左針咁睥實我，佢大大力咁閂左對門，再係出面大喊：十分鐘好出黎啦，我要帶你地去見親戚啊。
我同阿心都鬆左一口氣，原來阿媽頭先並唔係介意阿心嘅出現而係暗爽緊自己終於可以係班親戚面前威返次。我仰天一笑之後就準備換衫出去。
阿仔啊，呢個女仔我之前係咪見過架，好似好有印象咁嘅？係咪叫咩⋯阿心啊？我阿媽好興奮咁講。
「係啊係啊，就係5年前你係醫院見過架。」我同阿心異口同聲講。
阿媽：你地兩個咁夾架，整定你地一齊咁耐啦，照咁睇呢杯茶我都係飲硬啦。
阿心聽完之後面都紅哂，跟住個頭訓係我個膊頭上面。但係阿心一下突如其來嘅尖叫，就將啱啱一片溫馨嘅氣氛破壞左。我都未黎得切反應嘅時候，已經見到我阿媽暈左係地下。我好愕然咁望住阿心，同時鎮定嘅阿心已經攞左電話叫白車。
但係我都係接受唔到呢個現實，啱啱仲談笑風生，但係又無啦啦暈低啦。到低係我阿媽身體出左問題，定係其他嘅原因？