［回憶］［校園］一個信息改變左我嘅中學生活: 續(三十九)十字路口

我停左係命運嘅十字路口,可能呢一個小小嘅選擇就會同個信息一樣,直接改變左我嘅大半個人生,係我思考嘅期間,時間同埋部電話都無停低等我,唔經唔覺就過左10分鐘,電話都只係得返8%電,我係任性同情急之下,我好唔冷靜咁揀左聽呢段可能有刻意隠瞞嘅祕密或者有一個我點都估唔到故事嘅裹面.我打開左wts,裹面雖然只係得返一段阿妍嘅錄音,但係都令我開始回味當年阿心同我一齊wts嘅經歷,一個個藍色嘅已讀標記,咁多年都仲係歷歴在目,就連當年最後一次已讀嘅錄音,裹面任何一句說話都可以比我係唔同嘅時間慢慢回憶.我懷緬到自己呆左咁企左係鏡前面,一下突然嘅震動,幫我由時光隧道拉返現實.                                                                                  [你的錄音已經下載完成],依幾個字出現係電話螢幕上面.我好期待咁噤左個播放制,呢個心情就好似收到一份包實哂嘅禮物一樣,好想了解到低係咩野黎.係開呢段錄音之前,我好仔細咁檢查哂唔同嘅野：電量，聲音同埋阿心佢有無起到身。
我放輕哂自己既腳步，再慢慢咁行去床邊，睇哂所有野，先再行返去廁所，唔知係我心虛定係唔想再見到阿心咁傷心，我先有呢次咁出奇不意既細心。
所有野都準備好，我可以安心咁聽呢段錄音，係播放個一刻，我聽唔清楚係咩既聲音，咁只係聽到好細聲既氣聲。
過左10秒，我先聽到一把清析既女仔聲，係我聽到呢把聲既時候，同我呢段錄音既第一句都係一樣既反應，驚訝到差d大叫左出聲。
呢段錄音既第一句，同我估既有好大分別。而講呢句野既人都係我諗唔到既人。
對唔住啊，我諗我鐘意左阿銘啊，你可唔可以幫下我啊，阿心！我係部電話度聽到阿妍用佢慘痛既聲講。
聽完第一句說話 ，我之前所有既好奇心全部都唔見哂，取之而來既係後悔同埋惶恐。到低我當年做左咩令到佢鐘意左我？我做咩要去傷佢心？我對呢段過去既愈黎愈唔敢想像，但睇住呢段錄音，到低我應該點樣解決？呢段8分鐘既錄音令我個腦度浮出左千千萬萬個問號。