［回憶］［校園］一個信息改變左我嘅中學生活: 續。結局篇（五十二）往昔
肥培睇到之後好緊張咁望住我講：呢段錄音係咪三年前佢send比你個段？我好驚慌咁左佢，同時都講左我只係聽左呢段錄音嘅一小部分。
我黯然咁同佢講：我只係知道三年前阿妍佢因爲我嘅一碗粥而鐘意左我，但當時我唔單止無比一個希望同埋面子佢，狠心咁係全班面前拒絕左呢個女仔。
「呯！」肥培聽完嬲到一下拍左落張桌，然後擺出一個恍然大悟嘅表情，「原來件事嘅內情就係咁，我點都估唔到，會搞到一個女仔毀左自己最重要嘅野嘅人就係你，林家銘！」
肥培控制唔住自己嘅怒氣同埋驚嚇，就自然咁跪左係地下，破聲大哭，悽厲嘅喊聲比阿心離開我個陣所喊嘅聲音更慘，更痛。我好奇咁睇一睇佢面上嘅表情，明明件事同佢無關係，點解佢咁激動？就算係覺得阿妍好慘，令佢好傷感，咁照都唔會咁大反應啦，係咪背後發生左我唔知嘅事？
「你有無諗過一個女仔係你面前毀自己容，一刀界落自己塊面嘅情景有震撼啊？我就親眼睇過啊！你有無覺得内疚啊？即使你係要拒絕佢，你洗唔洗係全班面前落人地面啊？造成佢地嘅陰影係幾大啊？中學個陣，你地個個話我係狗公，其實係無地唔知做一個女仔幾慘啊，我只係企係佢地嘅角度諗野，多啲為佢地設想咋。」
肥培一番嘅肺腑之言，令我不停咁受到良心嘅譴責，同埋後悔當初嘅沖動，但我諗深一層，佢同我表白嗰日，正正就係我同阿心分左手嗰日，咁無心情去理，係咪都合乎人意？肥培佢講起左阿妍面上嘅疤痕，我打返開之前偷拍佢個張相，的確右邊面上有一條長疤。
我靈機一觸，諗出左一個可以洗清阿妍心入面嘅夢魘同埋挽回阿心嘅一個兩全齊美嘅方法。
我心急如焚咁同肥培講：「既然你喊得咁慘，咁你想唔想修補好阿妍嘅傷口啊？咁我又想挽回返阿心，咁不如快小小打開段片比我睇，同埋幫我搵下有無更多同佢地兩個有關嘅片！」
播放嗰一刻，我同肥培好似入左時光隧道，重返十年前嘅校園。熟悉嘅校服，見慣見熟嘅面孔，同埋絲毫不變嘅班房，我個腦出現左一個人樣，同埋一句說話。 「我地今日不如全日著住校服黎行街啊。」阿心同我復合返之後第一句同我講嘅野。
但再甜蜜嘅感覺，都抵擋唔住呢條片嘅沉痛。「點解我要生得咁醜樣啊？我到低有咩野唔好啊？就連第一次鐘意人就要受咁大嘅挫敗，我不如死左佢算啦，你地唔好阻止我啦！」
咔！所有人都反應唔切佢將把鎅刀界係塊面，只係等左半秒，肥培先有反應阻止佢將把刀拉落自己頸上嘅脈搏。肥培拋走左手上嘅鎅刀，條片就好快速咁完結。
我絕望咁睇住面前黑色嘅畫面，我孤注一擲嘅野，居然對我嘅目標無作用之外，反而仲加左我嘅內疚心，嚴重影響我嘅思緒。我好無奈咁同肥培講：「原來你咁遠帶我黎，仲令我傷心咁耐，只係為左比一份內疚嘅感覺我，想我後悔，咁你係咪想我去溝阿妍，搶走tommy條女黎報復啊？你有無搞錯啊！」
依家唯一嘅希望只有呢段錄音，如果都係令我失望嘅話，咁就係連個天都唔幫我啦。我全部嘅希望都係呢錄音上面，我唔理之前聽過嘅內容，重新咁探討呢段8分鐘嘅錄音，即係我已經知道前段係一個悲劇。
哽咽落淚嘅聲音，沉痛嘅內心，仲有真情嘅剖白，每一字一句都將我嘅心坎逐漸咁打碎，呢段錄音係人地眼中只係一個袐密，但對我黎講，反而係一個幾百噸嘅心理負擔。
到低兩個女仔可以為左我有幾多嘅爭執？背後嘅明爭暗鬥又係咪值得？直到呢一句，我先清楚咁知道個答案同埋明白到我傷得佢幾深。
「其實我由中一開始已經成日跟住佢尾，係佢後面偷睇佢，對佢嘅好感不斷萌生，即使佢未同我講過任何一句野，呢種偷偷摸摸，無際嘅單戀深淵，我忍受左三年。到左中三，上天比左一次嘅緣份比我把握，只可惜⋯⋯」
阿心佢當時聽到呢段野嘅感受係咩呢？如果佢仲記得呢次嘅經歷，佢仲會唔會咁輕易跌入tommy嘅陷阱？我同佢嘅戀情，原來除左一份相愛之外，仲係由一份尊嚴同埋一個女仔嘅人生黎建築，咁我依家唔努力挽回嘅話，咪唔單止失左人地嘅意義，我咪仲糟榻左阿妍奉獻嘅野？
我：「 肥培，可唔可以嘗試打比阿心啊，如果有辦法嘅話幫我搵埋阿妍啊！我嘅賭博好成功，錄音對我嘅計劃真係好有用。等待嘅肥培嘅消息途中，我一邊聽呢錄音，一邊構思等陣嘅「大計」。
「只可惜當初我嘅怕丑，同埋我懦弱嘅心態，都係唔夠膽同佢講野，就算幾鐘意佢都好，係佢面前，就點都開唔到口。但緣份同巧合一次過比我同時撞上，我有機會食到佢親手整嘅粥。就係當日，我下定左決心，將來我一定要去做粥店嘅員工，因為佢令我嘅改變真係太多，正如你佢當初send比你嘅信息一樣，都係改變左一生。」
我已經幫你約哂佢地兩個出黎啦，一陣你都自己努力啦，最多我車埋你過去，當係回左你中學比我嘅一份人情啦。走嘅時候，無我拖走阿心個陣咁壯觀，亦都無我重由個陣咁傷感，依家只係平平靜靜咁被天上嘅繁星陪伴我一齊去迎接眼前嘅事。平靜嘅感覺反而仲令我覺得奇怪同埋不安，或者係因為我迷信於一句說話：暴風雨嘅前夕，永遠都係風平浪靜。
由於我鋪排劇情嘅時候出左小小嘅錯漏，所以可能要到57篇先係大結局，希望你地繼續支持同埋追睇呢個故，覺得好睇嘅就係facebook比個讚同埋將呢個故分享比更加多人。
同埋過左一兩日，我就會係我個page度搞一個投票，投票未來嘅會係good end定係 sad end 希望你地踴躍投票，多多支持。
你地嘅支持，係我寫故嘅動力。十