［回憶］［校園］一個信息改變左我嘅中學生活: 續。結局篇（五十五）道別

「你覺唔覺得我地咁樣一齊，對阿心好唔公平啊？」阿妍用擔心嘅語氣講。
我攬住阿妍一下，係佢耳邊講：「因為你值得我作出犧牲。」然後歎左一口氣，合埋眼深呼吸左一下，係一片濕滑嘅凹凸路面上面，沖向左阿心。
「阿心！」成條路雖然只係得我地三個人，但我都唔知點解有尷尬嘅感覺。縱使我咁大聲咁呼喚，佢唔單止無回頭，仲愈行愈快，因為環境嘅限制，我開始比佢拋離。氣喘嘅我漸漸變到力不從心，而佢咁背影都變到朦糊。
係天意弄人，定係早有預謀？tommy佢出力幫我攔住左阿心，雖然佢令我失去左一個女朋友，但呢一刻我都係好感激佢，可能唔係佢我唔會知道曾經阿妍同我有過一段咁轟動嘅愛情，亦唔會知道阿心對我連一對情侶最基本嘅需要—「信任」都無嘅時候，佢真係幫我睇清楚左好多野。
「旁觀者清，當局者迷」唔係Tommy同埋肥培，可能我仲係度維繫緊一對虛假嘅感情。如果我嘅中學生涯係比個信息改變嘅話，咁我係十年後，應該就係比朋友仲有現實所改變。
隨住tommy佢利用身軀幫我擋住阿心接近10秒，我終於可以從後捉住阿心嘅手臂，再令佢嘅眼神可以同我有所接觸。我企係阿心旁邊冷淡咁同面前曾經比的當係仇人嘅摯友講：「我唔知你係度出現嘅目的係咩，不過都想同你講聲多謝。」
佢拎左一枝啤酒，放係我嘅左手，再拍一拍我膊頭，然後就係我側邊穿梭而過。開初我嘅冷淡，比佢手掌嘅溫度所溶化左，我摸一摸自己嘅膊頭，飲左一啖啤酒，慢慢眼睛就不受控咁啜泣。
阿心見到我咁嘅情緒，都受到我嘅感染，緩緩咁拎轉個身黎背對住我，場景就好似返到我要宣布最後訣擇嘅一刻咁，只不過小左個關鍵人物。假如比我揀多一次，答案會唔會一樣呢？
「我知呢一切都係我唔啱，不過我覺得你真係適合搵一個同你一樣生活方式，相同價值觀嘅人黎愛惜同埋呵護你。你試諗下，我同你有幾多唔同嘅野！平時生活你就呵刻嚴謹，相反我就懶懶散散，仲有你對所有嘅睇法同我都有好大出入啊，你認為一齊左就唔可以有私人空間，但我都想有自己嘅娛樂啊。可能我咁樣解釋你會覺得係我自我中心，無理你感受，唔嘗試磨合，反而係拋棄左你。」
我高昂嘅語氣，隨住我嘅內疚同埋心酸，開始變得低沉同沙啞。




「我知道咁做我應該受到唾罵，同埋我地變淡左嘅感情並加深基礎，而係係「坦誠」、「信任」」仲有「關懷」三樣野上面都有唔同問題出現。即使係嗰陣我係揀左你，但衍生我地依家呢個個結果，都只係時間嘅問題。最後希望你可以搵到一個諒解到你嘅脾氣，同埋唔會好似我咁爛泥扶唔上壁嘅人啦。」
我一啖飲左半枝酒，然後係褲袋拎出一對用紙盒裝住嘅戒指，擺左係阿心手上。
「希望你可以搵到一個可以實踐到呢隻戒指嘅承諾嘅人，將隻戒指戴係佢無名指上面啦。再見。」
阿心佢點左一下頭。正準備背道而馳嗰刻，雙方都忍泣而行，直至唔再聽到對方嘅腳步聲，先至放聲大喊。
「那天我共你勾手指尾，答應過會更愛你」，電話嘅鈴聲，並無因為關係嘅變遷而改變，仍然係絲毫不變咁播放我地兩個嘅歌。
我聽左阿妍打黎嘅電話，第一句聽到嘅係：「阿心佢無野啊嘛？」
「我已經講清楚哂啦，唔洗咁擔心。」我壓仰自己嘅淚水，用溫柔嘅聲音同佢講。
我係呢一句嘅問題，我切切實實咁睇得出我揀嘅選擇並無錯。

今日係facebook投票結局嘅最後一日，仲未投嘅就聽日叫埋朋友一齊投票，選擇你想睇嘅結局啦。




Facebook link:
https://m.facebook.com/hotfrostlovestory/