［回憶］［校園］一個信息改變左我嘅中學生活: （十四）第一次嘅約會

我記得第一次同阿心出街嘅時候，我咩都唔識之餘，仲好緊張，我一路換衫，一路諗今日嘅行程。
諗好之後，我就wts左佢：你想我係邊到等你啊？
阿心：就係元朗西鐵站等啦。

我果時係第一次同女仔出街，唔識點樣打扮得好睇D，所以我就只係好求期咁gel左個頭，換套我覺得全衣櫃最好睇嘅衫褲就出去啦。
我早左十分鐘到左，我一路等一路幻想一陣嘅情景，（阿心會著成點樣呢？會著裙定著褲呢？）
唔洗五分鐘，阿心就到左，我望住佢佢今日嘅衣著，我就好似見到一個
Model企係度咁，佢著住淺白色嘅。 T—shirt,一條短嘅熱褲，再加上一對平低嘅布鞋，令到我完全咁注視住阿心，令我留意唔到阿心同我講嘅野，直到佢拍左我一下，問我：到左好耐啦？
我：唔係啊，到左一陣姐。
講完依句，我就比左我第一次嘅約會比阿心啦