［回憶］［校園］一個信息改變左我嘅中學生活: （二十一）永遠一齊

阿心佢無講任何嘅野，只係將個頭訓係我個膀頭上面。我摸住佢個頭，係佢耳邊講：我好心甘情願為你作出改變，同埋為你付出。
阿心佢望住我，再望下自已，我就已經見到佢有幾滴眼淚想流出黎，佢一路喊，我就一路安慰佢，過左一陣，阿心佢講左一句：阿銘，好多謝你啊，咁耐已黎，你咁多嘅付出同改變我都知道，你係真心對我好，相比起其他只係貪我個樣嘅狗公好得多，但係，但係。。。。
我為左你都失去左好多，由開學一大班朋友，到依家比人排擠，我都經歷左好多，每日一班虛偽嘅朋友，貪圖美色嘅狗公。我依家嘅校園生活只係得你，所以你永遠都唔會離開我架可？
點解你要對我許咁多承諾？點解你要為我付出咁多啊？阿心好細聲咁講。
講下講下阿心嘅眼淚已經流到我成條褲都濕哂，我係依個時候只係講左句：你放心啦，我地兩個互相都有依賴對方嘅時候，我地永遠都唔會分開架。