我係依個時候咩都睇唔到,只係好細聲咁聽到有人大叫:報警啦!望乜野啊!
我已經無辦法見到同睇到身邊嘅野,我進入去一片漆黑嘅環境,但係耳邊就不斷聽到聲音,同埋見到好多好多野。就好似走馬燈一樣。
阿銘,我地永遠都會一齊架。
阿心,我應承你我永遠都唔會同你分開架。
阿心,我向你應承過你我會考入精英班,我會攞到籃球比賽冠軍。
阿銘,我地就好似隻手同埋隻戒指咁,一生一世都唔會分開。
依四句野不斷咁排徊係我個腦海,直到我可以打開到我對眼。
我只可以隱隱約約咁聽到:你個仔呢就有輕微嘅腦震盪同埋右腳骨折,最少都要係醫院睇四五個月架啦。
我聽完之後,我只可以睇住阿媽嘅背影同埋打哂石膏嘅腳流出左一滴又一滴嘅眼淚。
我係依個時候,見到我阿媽跟住醫生行左出門口,但係我係我阿媽後面見到一個著住短裙嘅女仔。